ပီရူးနိုင်ငံမှာ တိုက်ခတ်ခဲ့တဲ့ ဆိုင်ကလုန်းမုန်တိုင်းယာကူနဲ့အတူ နောက်ဆုံးတွဲ ရေကြီး မြေပြိုမှုတွေကြောင့် ပြီးခဲ့တဲ့ လပိုင်းတွေအတွင်း အနည်းဆုံးလူအယောက် ၅၀ သေဆုံးခဲ့ရပြီး လူပေါင်း ၅၀၀၀၀ ကျော်မှာ  သဘောဝဘေးခံစားခဲ့ရတယ်လို့ မတ် ၁၇ရက်မှာ သမ္မတ ဒီနာဘိုလူအာတာက ပြောကြားပါတယ်။

အင်အားပြင်းထန်တဲ့ ဆိုင်ကလုန်းမုန်တိုင်းကြောင့် ပီရူးနိုင်ငံမှာ အကြီးအကျယ်ပျက်စီးသွားခဲ့ပြီး ဇန်နဝါရီ ၁ ရက်ကနေ မတ် ၁၄ ရက်အထိ အနည်းဆုံးလူ အယောက် ၅၀ သေဆုံးကာ ၄၈ ဦး ထိခိုက်ဒဏ်ရာရှိခဲ့တာဖြစ်ပါတယ်။ 

ဒါ့အပြင် နေအိမ်ပေါင်း ၁၃၀၀ ကျော် အပါအဝင် လမ်းပေါင်း ၆၅၀ ကီလိုမီတာ၊ တံတား ၁၁၁ စင်းနဲ့အတူ သီနှံစိုက်ခင်း ဟက်တာပေါင်း ၁၁၀၀၀ ကျော်၊ တိရစ္ဆာန်အရေအတွက်ပေါင်း ၂၈၀၀၀ လောက် ထိခိုက်ပျက်စီးဆုံးရှုံးခဲ့ရတယ်လို့ တရားဝင်အချက် အလက်တွေအရ သိရပါတယ်။ 

ယာကူမုန်တိုင်းကြောင့် မုန်းသည်းထန်စွာရွာသွန်းရာကနေ မြို့တော်လီမာကို ဖြတ်သန်းစီးဆင်း နေတဲ့ ရီမက်မြစ်ရေ မြင့်တက်လာခဲ့ပြီး ဆန်မီဂဲလ် ခရိုင်ကလမ်းတွေပေါ်မှာ ရေတွေဖုံးလွှမ်းကာ ရေနုတ်မြောင်းစနစ်ထဲကို လမ်းကြောင်းပြောင်းနိုင်ဖို့အတွက် အလုပ်သမားတွေ ကြိုးပမ်းနေကြ တာကို တွေ့ရပါတယ်။ 

ပီရူးသမ္မတကတော့ လူမှုနယ်ပယ်အားလုံးအနေနဲ့ သဘာဝဘေးဒဏ် သင့်ခဲ့တဲ့ နိုင်ငံပြန်လည်တည်ဆောက်ရေးမှာ စုပေါင်းပါဝင်ကာ အားထုတ်ကြိုးပမ်းပေးကြဖို့ တောင်းဆိုခဲ့ပါ တယ်။

ဒီကမ်ပိန်းလှုပ်ရှားမှုမှာ ပြည်နယ်နဲ့တိုင်းဒေသကြီး အစိုးရတွေ အပါအဝင် နိုင်ငံတကာ ကော်ပိုရေးရှင်း လုပ်ငန်းကြီးတွေ၊ ဘုရားကျောင်းတွေ၊ သတင်းမီဒီယာဌာနတွေ၊ ကျွမ်းကျင်သူအဖွဲ့ အစည်းတွေ၊ ပုဂ္ဂလိကကဏ္ဍနဲ့ အရပ်ဘက်လူမှုအဖွဲ့အစည်းတွေအပြင် လက်နက်ကိုင် တပ်ဖွဲ့ဝင်တွေနဲ့ နိုင်ငံတော်ရဲတပ်ဖွဲ့ပါ ပါဝင်သွားမှာဖြစ်တယ်လို့ သမ္မတက ပြောကြားထားပါတယ်။