အိန္ဒိယနယ်စပ် ပန်ဂျပ်ပြည်နယ်ရှိ စစ်စခန်းတစ်ခုမှာ ဧပြီလ ၁၂ ရက် အစောပိုင်းက ပစ်ခတ်မှု ဖြစ်ပွားခဲ့ရာမှာ စစ်သား ၄ ဦး သေဆုံးသွားပြီး လွတ်မြောက်နေတဲ့ သေနတ်သမားတွေကို ရှာဖွေနေကြောင်း တာဝန်ရှိသူတွေက ပြောပါတယ်။

အရေအတွက် အတိအကျ မပြောနိုင်တဲ့ သေနတ်သမား အများအပြားဟာ ဘာသင်းဒါ စစ်စခန်းမှာ လွတ်မြောက်နေပြီး သူတို့မှာ လက်နက်ခဲယမ်းတွေလည်း ပါရှိကြောင်း ကာကွယ်ရေး သတင်းရင်းမြစ်တစ်ခုက ရိုက်တာသတင်းဌာနကို ပြောကြားပါတယ်။

ဒီအဖြစ်အပျက်ဟာ အကြမ်းဖက်တိုက်ခိုက်မှု မဟုတ်ကြောင်းနဲ့ စားသောက်ဆိုင် တစ်ဆိုင်မှာ မနက် ၄ နာရီ ၃၅ မိနစ်က ဖြစ်ပွားခဲ့တာဖြစ်ကြောင်း ပန်ဂျဘ်ပြည်နယ်မှ အကြီးတန်း ရဲအရာရှိ ပါရ်မာရ် က ရိုက်တာစ်ကို ပြောပါတယ်။ 

နယ်မြေကို အလျင်အမြန် ပိတ်ဆို့ထားပြီး ရှာဖွေရေး လုပ်ငန်းတွေ လုပ်ဆောင်နေကြောင်း စစ်တပ်က ထုတ်ပြန်ပါတယ်။

မနေ့ မနက် နှောင်းပိုင်းမှာတော့ ရဲအတားအဆီးတွေ ဝိုင်းထားတဲ့ စခန်းထဲက ရဲကားတွေကို ဆွဲထုတ်လာတာကို မြင်တွေ့ရပါတယ်။

ဒီစစ်တပ်အခြေစိုက်စခန်းဟာ နယူးဒေလီမြို့ အနောက်မြောက်ဘက် ၂၈၀ ကီလိုမီတာလောက်မှာ တည်ရှိတဲ့ လူနေစခန်းတစ်ခုဖြစ်ပြီး စစ်သားတွေရဲ့ မိသားစုတွေ အများစု နေထိုင်ကြပါတယ်။