ဂျပန်နိုင်ငံ ခရုအိဇာဝါမြို့မှာ ကမ္ဘာ့စက်မှုအင်အားကြီး ၇ နိုင်ငံအဖွဲ့ (G7) က နိုင်ငံခြားရေးဝန်ကြီးတွေ တွေ့ဆုံကြပြီး ယူကရိန်းစစ်ပွဲ၊ တရုတ်နဲ့ ထိုင်ဝမ်တို့နဲ့ ပတ်သက်တဲ့ စိုးရိမ်ပူပန်မှုတွေ အပါအဝင် အရေးကိစ္စတွေကို ကျယ်ကျယ်ပြန့်ပြန့် ဆွေးနွေးကြဖို့ ရှိနေပါတယ်။

လာမယ့်လမှာ ဟီရိုရှီးမားမြို့မှာ အိမ်ရှင်အဖြစ် လက်ခံကျင်းပမယ့် G7 ခေါင်းဆောင်များ ထိပ်သီးအစည်းအဝေးမတိုင်မီ ကျင်းပတဲ့ G7 နိုင်ငံခြားရေးဝန်ကြီးများအစည်းအဝေးမှာ တရုတ်နိုင်ငံအရေးက ရှေ့တန်းကနေပါမယ်လို့ မျှော်လင့်ကြောင့် ဂျပန်ဝန်ကြီးချုပ် ဖူမိယိုကီရှီဒါက ပြောပါတယ်။

G7 အဖွဲ့ရဲ့ တခုတည်းသော အာရှအဖွဲ့ဝင်နိုင်ငံအနေနဲ့ ဂျပန်နိုင်ငံဟာ ဒေသတွင်း အိမ်နီးချင်း တရုတ်နိုင်ငံရဲ့ အင်အားကြီးထွားလာမှုအပေါ် စိုးရိမ်ပူပန်စိတ်တွေ တိုးမြင့်လာပြီး ထိုင်ဝမ်အပေါ် စစ်ရေးအရ အရေးယူနိုင်ခြေအပေါ် အထူးအာရုံစိုက်နေခဲ့ပါတယ်။

G7 နိုင်ငံခြားရေးဝန်ကြီးတွေဟာ ဧပြီ ၁၇ ရက်က အလုပ်သဘော နေ့လယ်စာစားပွဲအပြီး အိမ်ပြင်ထွက်ရင်း မိသားစုဓာတ်ပုံရိုက်ခဲ့ကြပါတယ်။