ဗြိတိန်နိုင်ငံရဲ့ သက်တော်ရှည်ဘုရင်မကြီး အဲ့လိဇဘက်ကို နောက်ထပ် နှစ်ပတ်အနားယူဖို့ ဆရာဝန်တွေက အကြံပြုထားပါတယ်။ 

တိုင်းခန်း လှည့်လည်တာတွေနဲ့ အလုပ်တာဝန်တွေကို ရပ်ထားဖို့ အကြံပြုချက်တွေထဲမှာ ပါဝင်တယ်လို့ နန်းတော်ရဲ့ အောက်တိုဘာ ၂၉ ရက် တရားဝင်ထုတ်ပြန်ချက်မှာ ဖော်ပြပါတယ်။ 

ဒါကြောင့် သက်တော် ၉၅ နှစ် ရှိနေပြီဖြစ်တဲ့ ဘုရင်မကြီးဟာ နိုဝင်ဘာ ၁၃ ရက်အထိ မင်းခန်း မင်းနားတွေနဲ့ တခြား အခမ်းအနားတွေ တက်ရောက်နိုင်တော့မှာ  မဟုတ်ဘူးလို့ ဆိုပါတယ်။

ဒီရက်ကျော်သွားလို့ နိုဝင်ဘာလ ၁၄ ရက်ကျရင်တော့ ဘုရင်မကြီးဟာ ဗြိတိသျှစစ်မှုထမ်းတွေ အတွက် ဂုဏ်ပြုအခမ်းအနားကို တက်ရောက်ဖို့ စိတ်အားထက်သန်နေတယ်လို့လည်း နန်းတော်က ကြေညာထားပါတယ်။