အင်္ဂလန်တိုက်စစ်မှူးဟောင်း ဝိန်းရွန်းနီရဲ့စံချိန်ကို ကျော်ဖြတ်ဖို့အတွက် ဆန်မာရီနိုနဲ့ပွဲမှာ ပွဲထွက်ခွင့် ပေးဖို့ ဟယ်ရီကိန်းက တောင်းဆိုထားပါတယ်။ 

ဟယ်ရီကိန်းဟာ အယ်လ်ဘေးနီးယားနဲ့ပွဲမှာ ဟတ်ထရစ် ၃ ဂိုးသွင်းခဲ့ပြီးနောက် စုစုပေါင်း ၄၄ ဂိုးအထိ ရှိလာပြီး ရွန်းနီ စံချိန်တင်ထားတဲ့ ၅၃ ဂိုးကိုမီဖို့ ၉ ဂိုးပဲ လိုအပ်တော့တာ ဖြစ်ပါတယ်။ 

ဟယ်ရီကိန်းဟာ အုပ်စုအတွင်း အားအနည်းဆုံးအသင်းတွေလို့ ဆိုနိုင်တဲ့ အန်ဒိုရာ၊ ဆန်မာရီနိုအသင်းတွေနဲ့ ကစားခဲ့တဲ့ပွဲစဉ် ၃ ပွဲမှာ ပွဲထွက်ကစားခွင့်မရခဲ့ဘဲ အရန်ကစားသမားတွေကိုပဲ နည်းပြဆောက်ဂိတ်က အသုံးပြုခဲ့တာပါ။ 

ဒီကနေ့ည ကစားမယ့် ဆန်မာရီနိုနဲ့ အုပ်စုနောက်ဆုံးပွဲမှာတော့ ပွဲထွက်ခွင့်ပေးဖို့ နည်းပြဆောက်ဂိတ်ကို တောင်းဆိုထားပြီး သွင်းဂိုးတွေ ပိုမိုရရှိဖို့ ဟယ်ရီကိန်းက မျှော်မှန်းထားတာဖြစ်ပါတယ်။ 

ဟယ်ရီကိန်းဟာ ရွန်းနီရဲ့ ပြိုင်ပွဲစုံသွင်းဂိုး စံချိန်ကို မကျော်ဖြတ်နိုင်သေးပေမယ့် ပြိုင်ပွဲအဆင့်သွင်းဂိုးမှာတော့ ၃၉ ဂိုးနဲ့ ကျော်ဖြတ်နိုင်ခဲ့ပြီး ဖြစ်ပါတယ်။