တရုတ်နိုင်ငံဟာ သဘာဝပတ်ဝန်းကျင် အခြေအနေတိုးတက်ဖို့ သူ့အားထုတ်မှုတွေအတွက် ဆောင်းရာသီ အိုလံပစ်ပွဲတော်ကို အသုံးချဖို့ ကြိုးစားနပေမယ့် မီးခိုးမြူထူတွေ ထူပြောတဲ့ မြို့တော် ပေကျင်းမှာတော့ ဖွင့်ပွဲမှာ အဆိုးဆုံးအခြေအနေအတွက် ပြင်ဆင်နေပါတယ်။

ဆောင်းရာသီ အိုလံပစ်ပွဲတော် လက်ခံကျင်းပခွင့်ကို တရုတ်နိုင်ငံက ရပြီးကတည်းက ပေကျင်းမြိုတော် လေထုအရည်အသွေး တိုးတက်လာတာပါ။

ဒါပေမဲ့ ဆောင်းရာသီမှာ မီးခိုးမြူထူတွေရဲ့ ဘေးက ဆိုးရွားနေဆဲ ဖြစ်လို့ အရေးပေါ် အစီအမံတွေ လုပ်ထားတယ်လို့ ဂေဟဗေဒနဲ့ သဘာဝပတ်ဝန်းကျင်ဝန်ကြီးဌာနက ပြောပါတယ်။

ဒေသတွင်း အကြီးစားစက်မှုလုပ်ငန်းတွေကို ဇန်နဝါရီ ၁ ရက်က စပြီး ပိတ်ထားမယ်ဆိုတဲ့ ကောလာဟလတွေက မမှန်ဘူးလို့လည်း ဝန်ကြီးဌာန ပြောခွင့်ရက ပြောပါတယ်။

ဆောင်းရာသီအိုလံပစ် အဆိုပြုရာမှာ တရုတ်က အနိုင်ရတဲ့ ၂၀၁၅ ခုနှစ်တုန်းက အကြီးစား စက်မှုလုပ်ငန်းတွေ ပေါများတဲ့ ဒေသတွင်း အန္တရာယ်သင့် မီးခိုးမြူထူတွေ ဖုံးလွှမ်းနေနိုင်တယ်လို့ ဝေဖန်သူတွေက သတိပေးခဲ့ပါတယ်။

တရုတ်သမ္မတ ရှီကျင့်ဖျင်ကတော့ သဘာဝပတ်ဝန်းကျင်ကောင်းအောက်မှာ ကစားပွဲကျင်းပဖို့ ကတိပြုခဲ့သလို ဟော့ဘေးပြည်နယ်ကလည်း သူ့ရဲ့ စက်မှုအခြေပြု စီးပွားရေးကို ပုံစံပြောင်း အဆင့်မြှင့်မယ်လို့ ကတိပြုခဲ့ပါတယ်။

အဲဒီနောက် တရုတ်အစိုးရဟာ မြို့တော် ပေကျင်းနဲ့ အိမ်နီးချင်း ဟော့ဘေးပြည်နယ်မှာ သစ်ပင်တွေ ဟက်တာ ထောင်ချီ စိုက်ပျိုးခဲ့ပါတယ်။

နေစွမ်းအင်နဲ့ လေစွမ်းအင်သုံး ဓာတ်အားပေးလုပ်ငန်းတွေကို တည်ဆောက်ပြီး ရာချီတဲ့ လုပ်ငန်းတွေကိုလည်း နေရာရွှေ့ပြောင်းခဲ့ပါတယ်။