ဧရာ၀တီတိုင်း​အတွင်း NUG က နိုင်ငံတော်အရေးပေါ်အခြေအနေထုတ်ပြန်တဲ့ စက်တင်လာ ၇ ရက်နေ့မှ  ဒီဇင်ဘာလ ၃၁ ရက်နေ့အထိ စစ်​ကောင်စီရဲ့ စစ်​ရေး၊ စီးပွား​ရေး နဲ့ အုပ်ချုပ်​ရေးပစ်မှတ် ၁၀၃ ခုအား ဧရာဝတီတိုင်းတော်လှန်ရေးအင်အားစုတွေက တိုက်ခိုက်ခဲ့​တယ်လို့ သိရပါတယ်။

အ​ရေး​ပေါ်အ​ခြေအ​နေ​ကြေညာ စစ်ရေးပစ်မှတ် ၁၅ ခု၊ စီးပွားရေးပစ်မှတ် ၂၇ ခု၊ အုပ်ချုပ်ရေးပစ်မှတ် ၆၁ ခု တို့အား ​ဧရာ၀တီတိုင်း ​တော်လှန်​ရေးအဖွဲ့တွေက တိုက်ခိုက်ခဲ့​ကြတယ်လို့ တော်လှန်ရေးအဖွဲ့တွေဆီက သိရပါတယ်။

ဧရာဝတီတိုင်းအတွင်းရှိ စစ်ကောင်စီတပ်၊ စစ်တပ်ရဲ့ စီးပွားရေး၊ အုပ်ချုပ်ရေး၊ စစ်ရေးဒေါက်တိုင်တွေ တော်လှန်တိုက်ခိုက်သွားမယ်လို့ ဧရာဝတီတိုင်းတော်လှန်ရေးအင်အားစုတွေက ထုတ်ပြန်ထားပါတယ်။

ဧရာ၀တီတိုင်းအတွင်း ပုသိမ်ခရိုင်မှာ ပစ်မှတ် ၃၇ ခု၊ မအူပင်ခရိုင်မှာ ပစ်မှတ် ၂၂ ခု၊ ဖျာပုံခရိုင်မှာ ၁၅ ခု၊ လပွတ္တာမှာ ၁၃ ခု၊ ဟင်္သာတခရိုင်မှာ ၁၁ ခုနဲ့ ​မြောင်းမြခရိုင်မှာ ပစ်မှတ် ၅ ခုကို တိုက်ခိုက်ခဲ့​ကြတာလို့ ဆိုပါတယ်။