အာဖဂန်နစ္စတန်နိုင်ငံရဲ့ လူသားဆိုင်ရာအကျပ်အတည်းကို တားဆီးဖို့ ကုလသမဂ္ဂက အကြီးမားဆုံးသော လူသားချင်းစာနာထောက်ထားမှုအကူအညီ ဒေါ်လာ ၄ ဒသမ ၄ ဘီလီယံ အစီအစဉ် ဇန်နဝါရီ ၁၁ ရက်မှာ စတင်ခဲ့ပါတယ်။

ကုလသမဂ္ဂက လက်ထောက်အတွင်းရေးမှူးချုပ် မာတင်ဂရစ်ဖင်စ်က “၂၀၂၂ အာဖဂန်နစ္စတန်အတွက် အကြီးမားဆုံး လူသားချင်းစာနာထောက်ထားမှုအကူအညီ စတင်တာပါ။ ကုလသမဂ္ဂအနေနဲ့ နိုင်ငံတနိုင်ငံကို အဲဒီလောက် များပြားတဲ့ပမာဏကို ပုံအောကူညီတာ ဒါ ပထမဆုံးပါ” လို့ ပြောပါတယ်။

ကုလသမဂ္ဂ ဒုက္ခသည်ဆိုင်ရာမဟာမင်းကြီး ဖိလစ်ပိုဂရန်ဒီကလည်း “အဓိက ဦးတည်ချက်ကတော့ ပြည်တွင်းရွှေ့ပြောင်းနေထိုင်နေရသူတွေကို ကူညီဖို့နဲ့ အခြေအနေတွေ တည်ငြိမ်စေဖို့ပါ။ ဒုက္ခသည်တွေ ပြည်ပမထွက်ခွာအောင် တားဆီးဖို့လည်း ရည်ရွယ်ပါတယ်” လို့ ပြောပါတယ်။

“တာလီဘန်နဲ့ ယခင်အစိုးရတွေကြားက ပဋိပက္ခ ပြီးဆုံးသွားပါပြီ။ အခု လုံခြုံရေး တိုးတက် ကောင်းမွန်လာတာက၊ ကျaeာ်တို့ ကူညီဖို့ အခွင့်အလမ်းပါပဲ။ လူသားချင်းဆိုင်ရာ အကူအညီတွေကတဆင့်  နိုင်ငံ့စီးပွားရေးကိုလည်း အထောက်အကူဖြစ်စေပါမယ်” လို့ ကုလမဟာမင်းကြီးက သတင်းစာရှင်းလင်းပွဲမှာ ပြောခဲ့ပါတယ်။