ဗြိတိန်ဝန်ကြီးချုပ် ဘောရစ်ဂျွန်ဆင်က ဒီအပတ်ထဲမှာ ရုရှားသမ္မတ ဗလာဒီမာပူတင်နဲ့ ဖုန်းနဲ့ စကားပြောဖို့ရှိပြီး ယူကရိန်းအရေးကနေ အားလုံးပြန်ဆုတ်ဖို့ တိုက်တွန်းသွားမယ်လို့ မနေ့က ပြောပါတယ်။

ဆိပ်ကမ်းလုပ်ငန်းခွင်တခုကို‌ ရောက်နေတဲ့ ဂျွန်ဆင်က “ကျနော် ပူတင်ကို ပြောမယ့်ဟာကတော့ နှစ်ဘက်စလုံး ချောက်ကမ်းပါနေ ပြန်ဆုတ်ကြဖို့ပါ၊ အထူးသဖြင့် ပူတင်အနေနဲ့ ပြန်ဆုတ်ဖို့ လိုပါတယ်။ ယူကရိန်းကို ဝင်ကျူးကျော်မှုဟာ ကမ္ဘာကြီးအတွက် ကြောက်မယ်ဖွယ် ဘေးအန္တရာယ်ဆိုး ဖြစ်သွားမယ်၊ ရုရှားလည်း ဘေးအန္တရာယ် ရင်ဆိုင်ရလိမ့်မယ်” လို့ သတင်းထောက်တွေကို ပြောပါတယ်။

ရုရှားဟာ ယူကရိန်းနယ်စပ်မှာ တပ် ၁၂၀,၀၀၀ နီးပါး ချထားပြီး၊ ယူကရိန်းမှာရှိတဲ့ နေတိုး တပ်ဖွဲ့တွေ ပြန်ရုပ်သိမ်းဖို့ တောင်းဆိုနေတာပါ။ ဆိုဗီယက်ယူနီယံဟောင်းရဲ့ ပြည်နယ်ဖြစ်ခဲ့တဲ့ ယူကရိန်းကလည်း အနောက်အုပ်စုရဲ့ နေတိုးအဖွဲ့ဝင် ဖြစ်ချင်နေတာပါ။

၂၀၁၄  မှာ ရုရှားတပ်တွေ ယူရိန်းရဲ့ ခရိုင်းမီးယားဒေသကို ဝင်ရောက်သိမ်းပိုက်ခဲ့ပါတယ်။ ယူကရိန်း အစိုးရကို ဆန့်ကျင်တဲ့ သူပုန်တွေကိုလည်း ရုရှားက ကျောထောက်နောက်ခံပေးနေပါတယ်။