အစ္စရေးနိုင်ငံမှာ ရာနဲ့ချီတဲ့ ယူကရိန်းနိုင်ငံသားတွေနဲ့ အစ္စရေးပြည်သူချို့တချို့က  ရုရှားသံရုံးရှေ့မှာ ဖေဖော်ဝါရီ ၂၄ ရက်က သွားရောက် ဆန္ဒပြခဲ့ပါတယ်။ 

တဲလ်အဗစ်မြို့ ရုရှားသံရုံးအပြင်ဘက်မှာ စုဝေးပြီး ပူတင်ရဲ့  တဖက်သတ် အကြမ်းဖက်စစ်ပွဲကို အမြန်ရပ်ဖို့ တောင်းဆိုပါတယ်။ 

ဆန္ဒပြသူတွေက ရုရှားအစိုးရကို ရှုတ်ချရုံတင်မက၊ အစ္စရေးအစိုးရကိုပါ ယူကရိန်းပြည်သူတွေနဲ့ အတူရပ်တည်ဖို့ တောင်းဆိုတာပါ။ နောက်ရက်တွေမှာ  ဒီထက် လူတွေ ပိုပါဝင်လာဖို့ ယူကရိန်း ပြည်သူတွေအတွက် ဆုတောင်းဖို့ လာရောက်ခဲ့တာပါလို့ ဆန္ဒပြသူတယောက်က ပြောပါတယ်။

အစ္စရေးနိုင်ငံခြားရေးဝန်ကြီးဌာနကလည်း ရုရှားရဲ့ ကျူးကျော်တိုက်ခိုက်မှုက နိုင်ငံတကာဥပဒေကို ချိုးဖောက်မှုလို့ ရှုတ်ချခဲ့ပြီး ပြဿနာကို ငြိမ်းချမ်းစွာ ဖြေရှင်းဖို့ တောင်းဆိုပါတယ်။