ရုရှားစစ်တပ် အဝိုင်းခံနေရသည့် စူမွေမြို့မှ အရပ်သားများ ဘေးကင်းရာရွှေ့နိုင်ရန် ကြိုးပမ်း
ရုရှားက ကျူးကျော်တိုက်ခိုက်တာ ခံနေရတဲ့ ယူကရိန်းနိုင်ငံ အရှေ့မြောက်ဘက်က စစ်တပ်အဝိုင်းခံ စူမွေမြို့ကနေ အရပ်သား ဘတ်စ်ကားအစီး ၃၀ ပါတဲ့ ယာဉ်တန်း ၂ တန်းကို ဘေးကင်းရာရွှေ့ဖို့ စီစဉ်နိုင်ရေးအတွက် မျှော်လင့်ထားတယ်လို့ နိုင်ငံတကာကြက်ခြေနီကော်မတီ (ICRC) ပြောခွင့်ရက မတ်လ ၁၅ ရက်မှာ ပြောလိုက်ပါတယ်။
ICRC ရဲ့ အထောက်အပံ့တွေ တင်လာတဲ့ ကုန်ကားတွေဟာ မတ်လ ၁၂ ရက်မှာ ဟန်ဂေရီနိုင်ငံ ဒေဘရေစန်မြို့ကနေ ထွက်လာပြီး ယူကရိန်းနယ်စပ် တဖက်ခြမ်းက ရိုမေးနီးယားနိုင်ငံ စီရတ်မြို့ကို မတ်လ ၁၄ ရက်မှာ ရောက်လာပါတယ်။
ယူကရိန်းပြည်သူ ၃သန်းဟာ နိုင်ငံစွန့်ခွာ ထွက်ပြေးနေရပြီး သူတို့ထဲက တဝက်ဟာ ကလေးတွေလို့ ကုလသမဂ္ဂ ဒုက္ခသည် အေဂျင်စီက ပြောပါတယ်။ အဲဒီထဲက အယောက် ၁ ဒသမ ၈ သန်းက ပိုလန်နိုင်ငံမှာ အခု ရောက်နေပြီး နောက်ထပ် ပြည်သူ ၃ သိန်းကတော့ ဥရောပအနောက်ပိုင်းမှာ ရှိနေတယ်လို့ ရိုက်တာ သတင်းဌာနက ကြေညာပါတယ်။
