မန်ယူအသင်းနည်းပြ ရင်းနစ်ခ်ဟာ အာဆင်နယ်နဲ့ ပရီးမီးယားလိဂ်ပွဲစဉ်မှာ နောက်ခံလူ မက်ဂွိုင်းယားကို  ပွဲထွက်လူစာရင်းကနေချန်လှပ်ပြီး အရန်ခုံပို့ဖို့ ပြင်ဆင်ထားတယ်လို့ သိရပါတယ်။ 

မန်ယူအသင်းဟာ  ဒီကနေ့ ညနေ ၆ နာရီမှာ အာဆင်နယ်အသင်းနဲ့ အဝေးကွင်းမှာ သွားရောက်ရင်ဆိုင်ရမှာပါ။ 

အဲဒီပွဲစဉ်မှာ ခြေစွမ်းနဲ့ ပတ်သက်လို့ ဝေဖန်မှုတွေနဲ့ ရင်ဆိုင်နေရသလို နေအိမ်ကို ဗုံးဖောက်ခွဲမယ် ဆိုတဲ့ ခြိမ်းခြောက်မှုတွေလည်း ရှိခဲ့တာကြောင့် မက်ဂွိုင်းယားကို အနားပေးဖို့ နည်းပြရင်းနစ်ခ်က ပြင်ဆင်ထားတယ်လို့ Athletic သတင်းမှာဖော်ပြပါတယ်။ 

မက်ဂွိုင်းယားဟာ နေအိမ်ကို ဗုံးဖောက်ခွဲမယ်လို့ ခြိမ်းခြောက်ခံရပြီးနောက် ရဲတပ်ဖွဲ့ကို အကြောင်းကြားခဲ့ပြီး တစုံတရာတွေ့ရှိခြင်းတော့မရှိခဲ့ပါဘူး။ 

အသင်းခေါင်းဆောင် မက်ဂွိုင်းယားဟာ အာဆင်နယ်နဲ့ပွဲအတွက် လေကျင့်ရေးအစီအစဉ်တွေကိုတော့ ပုံမှန်းအတိုင်းပြု လုပ်ခဲ့တယ်လို့ သိရပါတယ်။ 

ဒါပေမယ့် လက်တလောပြဿနာအခြေအနေတွေကြောင့် အာဆင်နယ်နဲ့ပွဲမှာ ပွဲထွက်လူစာရင်းကနေ ချန်လှပ်ခံရဖို့ရှိတယ်လို့ သတင်းထွက်ပေါ်လာခဲ့တာဖြစ်ပါတယ်။