တူရကီကလပ် ထရတ်ဇွန်စပေါ်အသင်းဟာ  ၃၈ နှစ်အတွင်းမှာ ပထမဆုံးအကြိမ် လိဂ်ချန်ပီယံ ဆုဖလား ရယူနိုင်ခဲ့ပါတယ်။ 

မနေ့ညက ကစားခဲ့တဲ့ အန်တယ်ရာစပေါ်နဲ့ လိဂ်ပွဲစဉ်မှာ ၂ ဂိုး စီသရေ ကျခဲ့ပေမယ့် လက်ကျန် ၃ ပွဲအလိုမှာ ဒုတိယနေရာက ဖီနာဘာချီကို ၉ မှတ်ဖြတ်နိုင်ခဲ့ပါတယ်။ 

ဖီနာဘာချီကို ထိပ် တိုက်တွေ့ဆုံမှုအရ အသာရထားတာကြောင့် လက်ကျန် ၃ ပွဲအလိုမှာ လိဂ်ချန်ပီယံဖြစ်ဖို့ သေချာသွားခဲ့တာပါ။ 

ပွဲအပြီးမှာ ထရတ်ဇွန်စပေါ်အသင်းပရိသတ်တွေ ကွင်းထဲဝင်ရောက်ပြီး ၃၈ နှစ်အတွင်းမှာ ပထမဆုံးအကြိမ် လိဂ်ချန်ပီယံဖြစ်ခဲ့တဲ့ပေါ် အောင်ပွဲခံခဲ့ကြပါတယ်။ 

ထရတ်ဇွန် စပေါ် အသင်းဟာ ၁၉၇၅-၇၆ ခုနှစ်ကနေစတင်ပြီး ၅ ကြိမ်ဆက် ချန်ပီယံဖြစ်ခဲ့ပြီးနောက် ၁၉၈၃ ခုနှစ်မှာ နောက် ဆုံးအကြိမ်လိဂ်ချန်ပီယံဖြစ်ခဲ့တာပါ။ 

ချန်ပီယံလိဂ်အုပ်စုအဆင့် တိုက်ရိုက်ဝင်ခွင့် ၂ နေရာရတဲ့ တူရကီလိဂ်မှာ အသင်း ၆ သင်းကသာ ချန်ပီယံရယူနိုင်တဲ့ မှတ်တမ်းရှိပေမယ့် ဖီနာဘာချီ၊ ဂါလာတာစာရေးနဲ့ ဘက်ဆစ်တပ် အသင်းတွေကပဲ ချန်ပီယံအများ ဆုံးရယူနိုင်ခဲ့ကြတာဖြစ်ပါတယ်။