^{ကရင်အမျိုးသားအစည်းအရုံး (KNU) ထိန်းချုပ်နယ်မြေအတွင်း KNLA၊ KNDO ပူးပေါင်းတပ်ဖွဲ့တွေနဲ့ စစ်ကောင်စီတပ်၊ နယ်ခြားစောင့်တပ် BGF ပူးပေါင်းတပ်တို့ကြား တလအတွင်း တိုက်ပွဲပေါင်း ၅၀၇ ကြိမ်ဖြစ်ခဲ့တယ်လို့ KNU က မေ ၇ ရက်နေ့မှာ ထုတ်ပြန်ပါတယ်။} 

^{ကရင်အမျိုးသားလွတ်မြောက်ရေးတပ်မတော် (KNLA)၊ ကရင်အမျိုးသားကာကွယ်ရေးတပ်ဖွဲ့ (KNDO) နဲ့ ပူးပေါင်းတပ်ဖွဲ့တွေဟာ အာဏာသိမ်းစစ်ကောင်စီတပ် နဲ့ နယ်ခြားစောင့်တပ် BGF တို့ကြား နေ့စဥ်ထိတွေ့ပစ်ခတ်မှုတွေရှိခဲ့တာလို့ ဆိုပါတယ်။}

^{တိုက်ပွဲတွေအတွင်း စစ်ကောင်စီတပ် နဲ့ နယ်ခြားစောင့်တပ် BGF တွေဘက်က ၃၅၆ ဦးသေဆုံးပြီး ၁၉၄ ဦး ထိခိုက်ဒဏ်ရာရခဲ့ပြီး   KNLA၊ KNDO ပူးပေါင်းတပ်ဖွဲ့တွေဘက်က ၁၅ ဦးသေဆုံးပြီး ၃၅ ဦး ထိခိုက်ဒဏ်ရာရရှိခဲ့တယ်လို့ ဆိုပါတယ်။} 

^{အာဏာသိမ်းစစ်ကောင်စီပူးပေါင်းတပ်ဘက်က လက်နက်ကြီးရမ်းသန်းပစ်ခတ်မှု၊ လေကြောင်းက တိုက်ခိုက်မှုတို့ကြောင့် အပြစ်မဲ့ပြည်သူ ၁၀ ဦး အသက်ဆုံးရှုံးခဲ့ရပြီး အယောက် ၃၀ ထိခိုက်ဒဏ်ရာရခဲ့တယ်လို့လည်း ထုတ်ပြန်ချက်မှာ ဖော်ပြထားပါတယ်။}