စစ်ကိုင်းတိုင်း၊ မုံရွာမြို့၊ ပြည်တော်သာရပ်ကွက် (ယခင်-အက်တောကျေးရွာ) က ဈေးဆိုင်တဆိုင်ကို ဇွန် ၁၀ ရက် ဒီနေ့လယ် ၁၂ နာရီဝန်းကျင်က ဓားပြတိုက်ခံခဲ့ရပြီး ဓားပြတွေ ဖမ်းဆီးခံရတယ်လို့ မျက်မြင်တွေ့သူတယောက်က  ပြောပါတယ်။

“ပထမကတော့ ဘာလဲဟ စစ်ကောင်စီကနေ ဝင်ဖမ်းတာလားလို့ ထင်မိတာ။ လူတွေကလည်း ရုံးစု ရုံးစုဆိုတော့ အဲလိုထင်မိတာ။ နောက်ပိုင်း စတိုးဆိုင်ကို ဓားပြတိုက်လို့ဆိုပြီး သိလိုက်ရတာဗျ။ ကျနော်သွားကြည့်တော့ လူငယ် ၅ ဦးကို ကြိုးနဲ့တုပ်ထားတာ တွေ့ရတယ်။”

ဖမ်းမိသူတွေထံကနေ ငွေသားကျပ်  ၂၅ သိန်းနဲ့ ရွှေအနည်းငယ် သိမ်းဆည်းမိတယ်လို့လည်း ဒေသခံတွေက ဆိုပါတယ်။

မုံရွာမြို့ပေါ်မှာ စစ်အာဏာသိမ်းပြီးချိန်ကစလို့ အခုလို ပစ္စည်းလုယက်မှုတွေ ပေါ်ပေါ်တင်တင် ကျူးလွန်လာကြသလို ပစ္စည်းလုပြီး အသတ်ခံရတာတွေလည်း ရှိနေတယ်လို့ ဒေသခံတွေရဲ့ ပြောပြချက်အရ သိရပါတယ်။