ဂရိနိုင်ငံမှာ ကုန်ဈေးနှုန်းကြီးမြင့်မှုက အိမ်ထောင်စုတွေကို ထိခိုက်နစ်နာစေခဲ့တာကြောင့် ဂရိပင်စင်စား ထောင်ပေါင်းများစွာဟာ ဇွန် ၂၄ ရက်က အေသင်မြို့မှာ ပင်စင်လစာတိုးပေးဖို့ တောင်းဆိုဆန္ဒပြခဲ့ကြပါတယ်။ 

ဝင်ငွေအနည်းဆုံးအုပ်စုတွေထဲက တစုဖြစ်တဲ့ ပင်စင်စားတွေဟာ ငွေကြေးဖောင်းပွမှုနဲ့အတူ အခက်အခဲတွေ အများကြီး တိုးလာကြောင်းနဲ့ ပင်စင်လစာတွေက ထုတ်ပြီးလို့ ၅ ရက် ၁၀ ရက်ဆို ကုန်သွားပြီ လို့ ပြောကြပါတယ်။ 

တခြားအီးယူနိုင်ငံတွေလိုပဲ ဂရိနိုင်ငံဟာ လျှပ်စစ်ဓာတ်အား၊ ဓာတ်ငွေ့နဲ့ လောင်စာဆီ ကုန်ကျ စရိတ်တွေ မြင့်တက်မှုတွေကြောင့် ကျပ်တည်းလာပါတယ်။

ဂရိနိုင်ငံမှာ ငွေကြေးဖောင်းပွမှုဟာ ၂၉ နှစ်အတွင်း ၁၁ ဒသမ ၃ ရာခိုင်နှုန်းအထိ မြင့်မားခဲ့ပါတယ်။

ဇွန် ၂၈ ရက်မှာတော့ အစိုးရက ယာဉ်ပိုင်ရှင်တွေကို ၃ လစာ ထောက်ပံ့ကြေးတွေ ပေးမယ်လို့ ကြေညာခဲ့ပါတယ်။ 

ဂရိနိုင်ငံဟာ ပြန်လည်ပြည့်ဖြိုးမြဲစွမ်းအင်လိုမျိုး စွမ်းအင် ထုတ်လုပ်ဖို့ အစပျိုးနေပြီး ရုရှားအပြင် တခြားနိုင်ငံတွေကနေလည်း သဘာဝဓာတ်ငွေ့ ရဖို့ လုပ်ဆောင်နေပါတယ်။