close

မက်ဂွဲယားကို ပေးချင်သည့် မန်ယူပရိသတ်၏ဆန္ဒကို ချဲလ်ဆီးပရိသတ်များ လက်မခံ

နောက်ခံလူမက်ဂွဲယားကို မန်ယူပရိသတ်တွေက အလွတ်ပြောင်းရွှေ့ကြေးနဲ့ ပေးလိုပေမယ့် ချဲလ်ဆီးပရိသတ်တွေက လက်မခံဘဲအငြင်းအခုန်ဖြစ်ပွားနေကြပါတယ်။

ချဲလ်ဆီးအသင်းဟာ ပြီးခဲ့တဲ့ရက်ပိုင်းက မန်ယူနောက်ခံလူ မက်ဂွဲယားကိုခေါ်ယူဖို့အတွက် မေးမြန်းစုံးစမ်းမှုလုပ်ခဲ့ ကြောင်း သတင်းထွက်ပေါ်လာခဲ့တာပါ။

အဲဒီသတင်းထွက်ပေါ်လာပြီးနောက်မှာ မန်ယူပရိသတ်တွေက မက်ဂွဲယားကို ပြောင်းရွှေ့ကြေမပေးဘဲခေါ်ယူနိုင်ကြောင်းတွစ်တာမှာရေးသားခဲ့ကြပြီး ချဲလ်ဆီးပရိသတ်တွေက လက်မခံဘဲပြန်လည်တုံ့ပြန်ခဲ့ကြတာပါ။

မန်ယူပရိသတ်တယောက်ရဲ့ တွစ်တာစာမျက်နှာမှာတော့ ချဲလ်ဆီးဘက်က မက်ဂွဲယားကို ခေါ်ယူချင်တာဟာ အံ့အာသင့်စရာမဟုတ်ဘဲ သူဟာထိပ်တန်းနောက်ခံလူဖြစ်နေဆဲမလို့ ဘာစီလိုနာက လက်မဦးခင် အမြန်ခေါ်ယူသင့်ကြောင်း တိုက်တွန်းရေးသားခဲ့ပါတယ်။

နောက်ထပ်မန်ယူပရိသတ်တစ်ဦးကတော့ မက်ဂွဲယားအသင်းပြောင်း မယ်ဆိုရင် ပြန်မလာနိုင်တဲ့မူဝါဒနဲ့ ထွက်ခွါခွင့်ပေးသင့်ကြောင်း အရွှန်းဖောက်ပြီးရေးသားခဲ့ပါတယ်။

ချဲလ်ဆီးပရိသတ်တွေကတော့ မက်ဂွဲယားကိုခေါ်ယူချင်တယ်ဆိုတာ သတင်းမှားသာဖြစ်ပြီး လိုအပ် မယ်ဆိုရင် ပရိသတ်တွေဘက်က လက်မှတ်ထိုးပြီး တားဆီးကြဖို့ တိုက်တွန်းခဲ့ပါတယ်။ 

//
Up