close

ပုပ်ရဟန်းမင်းကြီးဖရန်စစ် ကာဇက်စတန်သို့ သွားရောက်မည်

ပုပ်ရဟန်းမင်းကြီး ဖရန်စစ် ကာဇက်စတန်နိုင်ငံရဲ့ မြို့တော်  နူရ်စူလတန်သို့ မလာရောက်မီ ဝတ်ပြုကိုးကွယ်သူတွေက ငြိမ်းချမ်းရေးအတွက် ဆုတောင်းနေကြတာပါ။

ပုပ်ရဟန်းမင်းကြီး ဖရန်စစ်ဟာ စက်တင်ဘာ ၁၃ ရက်မှာ သတ္တမအကြိမ်မြောက် ကမ္ဘာ့ ဘာသာရေးခေါင်းဆောင်တွေနဲ့ ရိုးရာဘာသာရေးခေါင်းဆောင်များ ကွန်ဂရက်ကို တက်ဖို့ ကာဇက်စတန် နိုင်ငံဆီကို ထွက်ခွာလာခဲ့ပါတယ်။

ဒါပေမဲ့ ရုရှားနိုင်ငံသား အော်သိုဒေါ့က်စ် ခရစ်ယာန် ဂိုဏ်းအုပ် ဘုန်းတော်ကြီး ခိရိယယ် ကတော့ ယူကရိန်းစစ်ပွဲကို ထောက်ခံပြီး အစည်းအဝေးကို မတက်ခဲ့ပါဘူး။  ပုပ်ရဟန်းမင်းကြီးက သူနဲ့ စကားပြောဖို့ လိုလားတယ်လို့ အကြိမ်ရေ အတော်များများ ပြောခဲ့တာပါ။

ဒါပေမဲ့ ရုရှားခရစ်ယန်ဘုရားကျောင်းကတော့ ခိရိယယ်ဟာ ကာဇက်စတန် မြို့တော်က အစည်းအဝေးကို တက်မှာမဟုတ်ဘူးလို့ အရင်လက ကြေညာခဲ့ပေမဲ့အကြောင်းပြချက် မပေးခဲ့ပါဘူး။

စိန့်ပီတာစဘတ်မြို့မှာ နှစ်စဉ်ကျင်းပနေကျ ချီတက်ပွဲကို တက်ခဲ့တဲ့ ရုရှားနိုင်ငံသား အော်သိုဒေါ့က်စ် ခရစ်ယာန် တချို့ကတော့ ခိရိယယ်ဟာ ပုပ်ရဟန်းမင်းကြီးနဲ့ အခု တွေ့သင့်တယ် ဆိုတာ မသေချာဘူးလို့ ပြောပါတယ်။

အရေးအကြီးဆုံးက သူတို့ နားလည်ချင်တဲ့ အစည်းအဝေးရဲ့အနှစ်သာရဖြစ်ပြီး ခိရိယယ်နဲ့ သူတက်၊ မတက်က အရေးမကြီးဘူးလို့ မြို့ခံ တဦးက ပြောပါတယ်။

နိုင်ငံပေါင်း ၅၀ လောက်က ကိုယ်စားလှယ် ၁၀၀ ကျော် တက်မယ့် ဒီ အစည်းအဝေးအပေါ် ယူကရိန်းစစ်ပွဲက ကာလရှည်ကြာ အရိပ်ထိုးနေနိုင်တယ်လို့ မီဒီယာတွေက သုံးသပ် ထားပါတယ်။ 

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
Up