ညာနောက်ခံလူ အာနိုးလ်ရဲ့ခံစစ်ကစားပုံဟာ အမြဲတမ်းကောင်းနိုင်မှာမဟုတ်ကြောင်း လီဗာပူး နည်းပြ ကလော့ပ်ကဝန်ခံပြောသွားပါတယ်။

အာနိုးလ်ဟာ အင်္ဂလန်လက်ရွေးစင် အသင်းမှာ ရွေးချယ်ခံရပေမယ့် ခံစစ်ကို လိုက်ပါကူညီနိုင်မှုနည်းပါးတာကြောင့် ပွဲထွက်ခွင့်မရခဲ့သူပါ။

အင်္ဂလန်နည်းပြဆောက်ဂိတ်ဟာ အာနိုးလ်အစား ချဲလ်ဆီးနောက်ခံလူ ရီဆီဂျိမ်းစ်ကို အသုံးပြုခဲ့ပြီး   နောက်ထပ် ညာနောက်ခံလူ ကိုင်ဝေါ်ကာကိုတော့ သုံးယောက်တန်းခံစစ်ရဲ့ ညာအစွန်မှာအသုံးပြုခဲ့တာပါ။

အင်္ဂလန်အသင်းမှာ အာနိုးလ်ပွဲကစားခွင့်မရတာနဲ့ ပတ်သက်ပြီး ဂျာနယ်လစ်တွေကမေးမြန်းရာမှာ တော့ အာနိုးလ်ဟာ ခံစစ်ကစားပုံအမြဲတမ်းမကောင်းနိုင်ပေမယ့် အသက်ငယ်သေးလို့ တိုးတက် လာဦးမှာဖြစ်ကြောင်း နည်းပြကလော့ပ်ကပြန်လည်ဖြေကြားခဲ့တာပါ။

အင်္ဂလန်အသင်းမှာ ကစားတဲ့နေရာတူပြီး အရည်အသွေးမြင့်ကစားသမားတွေရှိတာကြောင့် အားလုံးကို အတူတကွကစားစေဖို့က ခက်ခဲကြောင်းကလော့ပ်က ပြောသွားပါတယ်။