တောင်ကိုရီးယားနိုင်ငံ၊ ဆိုးလ်မြို့အနီးရှိ ဒေတာစင်တာတစ်ခုမှာ မီးလောင်မှုကြောင့် နိုင်ငံရဲ့ အကြီးဆုံးနဲ့ အသုံးအများဆုံး မိုဘိုင်းအက်ပ် Kakao ဝန်ဆောင်မှုတွေ ပိတ်ကျသွားခဲ့လို့ ပြည်သူတွေထံက ပြင်းထန်တဲ့တုံ့ပြန်မှုတွေ ထွက်ပေါ်လာပြီးနောက် ကုမ္ပဏီရဲ့ ပူးတွဲစီအီးအို နမ်ကွန်းဝွန် ရာထူးကနေ နုတ်ထွက်သွားပါတယ်။ 

ဒေတာစင်တာ မီးလောင်မှုကြောင့် အောက်တိုဘာ ၁၅ ရက်ကစပြီး Kakao ရဲ့ စကားပြောခန်းနဲ့ တခြားဝန်ဆောင်မှုတွေ ပိတ်ကျသွားခဲ့မှုအတွက် ကုမ္ပဏီက တောင်းပန်ခဲ့ပါတယ်။

နမ်ကွန်းဝွန်နုတ်ထွက်သွားတာကြောင့် ပူးတွဲ စီအီးအို ဟွန်းအန်တိတ်ဟာ တစ်ဦးတည်းသော စီအီးအို ဖြစ်သွားပါတယ်။  

“ရှေ့လျှောက် အလားတူဖြစ်ရပ်မျိုးတွေကြောင့် ကျွန်ုပ်တို့ရဲ့ဝန်ဆောင်မှုတွေကို ထိခိုက်ခံမှာ မဟုတ်တော့လို့ ဒေတာစင်တာတွေ အပါအဝင် ကျွန်ုပ်တို့ရဲ့ ကိုယ်ပိုင်အခြေခံအဆောက်အအုံကို တည်ဆောက်သွားမယ်လို့ စီအီးအို ဟွန်းက ကြေညာချက်ပြန် ပြောပါတယ်။  

Kakao ရဲ့ စနစ်အများစုကို ဗုဒ္ဓဟူးနေ့မှာ ပြန်လည်ထိန်းသိမ်းခဲ့ပေမဲ့ အမျိုးမျိုးသော လုပ်ဆောင်ချက်တွေဟာ မတည်ငြိမ်နိုင်သေးပဲ တက္ကစီတွေနဲ့ စားသောက်ဆိုင် ဘွတ်ကင်တွေအထိ ငွေပေးချေမှုတွေကနေ ဝန်ဆောင်မှု များစွာကို အနှောင့်အယှက် ပေးနေဆဲ ဖြစ်တာကြောင့် ဒီအက်ပ်အပေါ် အများပြည်သူ မှီခိုအားထားမှုဆိုင်ရာ မေးခွန်းတွေ ပေါ်ထွက်လာခဲ့ပါတယ်။  

၂၀၁၀ ပြည့်နှစ်မှာ စတင်ခဲ့တဲ့ KakaoTalk ဟာ တောင်ကိုရီးယားမှာ အများဆုံးသုံးစွဲနေတဲ့ အကောင့်ပေါင်း ၄၇ သန်းကျော်ရှိပြီး လူဦးရေ ၅၁ ဒသမ ၆ သန်းရှိတဲ့ နိုင်ငံမှာ နေရာအနှံ့အပြား သုံးစွဲနေကြတဲ့ အက်ပ် တခုလည်းဖြစ်ပါတယ်။

Kakao ပြတ်တောက်မှုကြောင့် အသေးစားလုပ်ငန်း ၅၀၀ ကျော် အရောင်းလုပ်ငန်းတွေ ဆုံးရှုံးခဲ့ရကြောင်း ကိုရီးယား အသေးစားလုပ်ငန်း ကိုရီးယားအဖွဲ့ချုပ်က ပြောပါတယ်။