လီဗာပူးအသင်းနည်းပြ ယာဂန်ကလော့ပ်ဟာ မန်စီးတီးကို အနိုင်ရတဲ့ပွဲစဉ်မှာ ဒိုင်လူကြီးကို ဒေါသတကြီးစောဒကတက်ခဲ့လို့ စတာလင်ပေါင် ၃၀,၀၀၀ ဒဏ်ရိုက်ခံခဲ့ရပါတယ်။

အဲဒီပွဲစဉ်မှာ လီဗာပူးက တစ်ဂိုး ဂိုးမရှိနဲ့အနိုင်ရခဲ့ပေမယ့် ဆာလာကို ဘာနာဒိုဆေးလ်ဗားက တွန်းလှဲခဲ့ရာမှာ ပြစ်ဒဏ်ဘော မပေးခဲ့လို့ဆိုပြီး နည်းပြကလော့ပ်က ကွင်းဘေးစည်းက အကူဒိုင်လူကြီးကို ဒေါသတကြီး အော်ဟစ်ခဲ့တာပါ။

အဲဒီနောက် ကွင်းလယ်ဒိုင်က အနီကတ်ပြသပြီး ကွင်းထဲကနေထုတ်ပယ်ခဲ့ပါတယ်။ ပွဲအပြီးမှာ နည်းပြကလော့ပ်က သူ့အပြုအမှုမထိန်းနိုင်ခဲ့ကြောင်း တောင်းပန်စကားဆိုခဲ့ပေမယ့် အက်ဖ်အေက အရေးယူဖို့ လုပ်ဆောင်ခဲ့ပြီး ဒဏ်ကြေးချမှတ်ခဲ့တာပါ။

အက်ဖ်အေဘက်ကတော့  နည်းပြကလော့ပ် အနေနဲ့ မသင့်တော်တဲ့အပြုအမှုဆိုတာလက်ခံခဲ့ပြီး လီဗာပူးဘက်က ဒဏ်ကြေးချမှတ်မှုအတွက် အယူခံဝင်နိုင်ကြောင်း သတင်းထုတ်ပြန်ခဲ့ပါတယ်။