တူရကီနိုင်ငံအရှေ့ပိုင်း အက်ဂရီပြည်နယ်မှာ ခရီးသည်တင် ဘတ်စ်ကားတစီး ထရပ်ကားနဲ့ တိုက်မိကာ မီးလောင်မှုဖြစ်ပွားပြီးနောက် တူရကီနိုင်ငံသား ၇ ယောက် သေဆုံးခဲ့ပါတယ်။

အခင်းဖြစ်ပွားရာ နေရာကနေ အနက်ရောင်မီးခိုးငွေ့တွေ မည်းမှောင်ထူထပ်စွာ ထွက်လာပြီး အဲဒီနေရာက မီးတောက်မီးလျှံတွေကို မီးသတ်သမားတွေက နိုဝင်ဘာ ၇ ရက်မှာ ငြှိမ်းသတ်ခဲ့ပါတယ်။

ဒီဖြစ်ရပ်မှာ လူ ၇ ယောက်ထက်မနည်း သေဆုံးသွားပြီး ၁၁ ယောက် ထိခိုက်ဒဏ်ရာ ရရှိသွားကြောင်းနဲ့ ခရီးသည်တွေဟာ မီးလောင်ဒဏ်ရာတွေကို ပြင်းပြင်းထန်ထန် ခံစားခဲ့ရကြောင်း ဒေသတွင်းမီဒီယာတွေက ဖော်ပြပါတယ်။

အဲဒီမှာ အဖွဲ့အများအပြားကို နေရာချထားပြီး ကယ်ဆယ်ရေးလုပ်ငန်းတွေကို ဆက်လက် လုပ်ဆောင်နေကြောင်း ပြည်ထဲရေးဝန်ကြီးဌာနရဲ့ ထုတ်ပြန်ချက်မှာ ဖော်ပြထားပါတယ်။

တူရကီနိုင်ငံရဲ့ အက်ဂရီပြည်နယ်ဟာ အာမေးနီးယားနဲ့ အီရန်နိုင်ငံတို့ရဲ့ နယ်နိမိတ်တွေနဲ့ ထိစပ်နေပါတယ်။