ဥရောပရဲ့ ဂိုးသွင်းအများဆုံး ရွှေဖိနပ်ဆုကို တိုက်စစ်မှူး လီဝမ်ဒေါ့စကီးက ၂ နှစ်ဆက်တိုက် ဆွတ်ခူးသွားပါတယ်။

ရွှေဖိနပ်ဆုကို ပြီးခဲ့တဲ့ရာသီအတွင်း ဥရောပမှာ ဂိုးသွင်းအများဆုံး ကစားသမားကို European Sport Media က ပေးအပ်ချီးမြှင့်တာပါ။

တိုက်စစ်မှူး လီဝမ်ဒေါ့စကီးဟာ ပြီးခဲ့တဲ့ရာသီက အသင်းဟောင်း ဘိုင်ယန်မြူးနစ်မှာ ကစားခဲ့ပြီး သွင်းဂိုး ၃၅ ဂိုးအထိ သွင်းယူနိုင်ခဲ့ပါတယ်။

ဒီဆု ရယူနိုင်တဲ့အတွက် ဂုဏ်ယူရသလို အသင်းဟောင်းက ကစားဖော်တွေ အားလုံးကို အထူးကျေးဇူးတင်တယ်လို့ ပိုလန်လက်ရွေးစင် တိုက်စစ်မှူး လီဝမ်ဒေါ့စကီးက ပြောပါတယ်။

ဒီရာသီမှာတော့ စပိန်ကလပ် ဘာစီလိုနာမှာ ပြောင်းရွှေ့ကစားနေတာပါ။

ဥရောပရဲ့ ဂိုးသွင်းအများဆုံး ဒုတိယဆုကို ပြင်သစ်ကလပ် ပီအက်စ်ဂျီတိုက်စစ်မှူး အမ်ဘာပေက ၂၈ ဂိုးနဲ့ ရရှိသွားပါတယ်။