၂၀၂၂ ကာတာ ကမ္ဘာ့ဖလားဘောလုံးပြိုင်ပွဲရဲ့ အကောင်းဆုံးကစားသမား ရွှေဘောလုံးဆုကို အာဂျင်တီးနားအသင်းခေါင်းဆောင် တိုက်စစ်မှူး မက်ဆီကရရှိသွားပါတယ်။

ပွဲစဉ်တလျှောက် သွင်းဂိုးအများဆုံး ရွှေဖိနပ်ဆုကိုတော့ မက်ဆီထက် ၁ ဂိုးအသာ ၈ ဂိုးသွင်းယူခဲ့တဲ့ ပြင်သစ်တိုက်စစ်မှူး အမ်ဘာပေးက ရရှိသွားပါတယ်။ အမ်ဘာပေဟာ နောက်ဆုံးဗိုလ်လုပွဲမှာ ဟတ်ထရစ် ၃ ဂိုးသွင်းယူနိုင်ခဲ့တာဖြစ်ပါတယ်။

အကောင်းဆုံး ဂိုးသမားတွေကိုပေးအပ်တဲ့ ရွှေလက်အိပ်ဆုကိုတော့ အာဂျင်တီးနား ဂိုးသမား မာတီနက်ဇ်က ရရှိသွားပြီး အကောင်းဆုံးလူငယ်ကစားသမားဆုကိုလည်း အာဂျင်တီးနားအသင်း ကွင်းလယ်ကစားသမား အသက် ၂၁ နှစ်အရွယ် အန်ဇိုဖာနန်ဒတ်ဇ်က ရရှိသွားပါတယ်။