မန်စီးတီးတိုက်စစ်မှူးဟာလန်းဟာ တစ်ရာသီအတွင်း ဂိုး ၅၀ အထိသွင်းယူနိုင်ကြောင်း ပြင်သစ် တိုက်စစ်မှူးဟောင်းအွန်နရီက ခန့်မှန်းပြောပါတယ်။

ဟာလန်းဟာ ပရီးမီးယားလိဂ် ၁၄ ပွဲမှာပဲ ၁၈ ဂိုးသွင်း ယူထားပြီး ပြိုင်ပွဲစုံမှာ ၂၃ ဂိုးအထိ သွင်းယူထားတာပါ။

ဟာလန်းဟာ ဟိုတုန်းက တိုက်စစ်မှူးတွေလို စွမ်းဆောင်ရည်မျိုးရှိပြီး မန်စီးတီးအသင်းရဲ့ အခွင့်အရေးဖန်တီးနိုင်မှုအရ တစ်ပွဲတည်း ၆ ဂိုးအထိပါ  သွင်းယူနိုင်စွမ်းရှိကြောင်း အွန်နရီကချီးကျူးခဲ့တာပါ။

ဒါ့အပြင် ပရီးမီးယားလိဂ်မှာ တစ်ရာသီအတွင်း ဂိုး ၅၀ မရနိုင်ပေမယ့် ပြိုင်ပွဲစုံမှာတော့ ဂိုး ၅၀ အထိသွင်းယူနိုင်လိမ့်မယ်လို့ အွန်နရီကပြောပါတယ်။

ဟာလန်းရဲ့ ကစားပုံဟာ အရင်ခေတ်က တိုက်စစ်မှူးတွေဖြစ်တဲ့ အလန်ရှီးယား၊ ဂယ်ရီလိုင်နီကာ၊ ဂတ်မူလာ၊ ပါအိုလိုရော့စီနဲ့ အင်ဇာဂီတို့နဲ့ တူညီကြောင်းလည်း အွန်နရီကချီးကျူးခဲ့ပါတယ်။