ဂျပန်နိုင်ငံ အနောက်ပိုင်းနဲ့ မြောက်ဘက်တို့မှာ ဆီးနှင်းတွေ ထူထူထပ်ထပ် ကျဆင်းမှုကြောင့် ဒေသခံတွေအနေနဲ့ ဆောင်းရာသီရဲ့ နှင်းမုန်တိုင်းတွေကို သတိရှိနေဖို့  ဒီဇင်ဘာ ၂၃ ရက်မှာ မိုးလေဝသ တာဝန်ရှိသူတွေက သတိပေး နှိုးဆော်ထားပါတယ်။

ဒီဇင်ဘာ ၁၇ ရက်ကတည်းက နိုင်ငံမြောက်ပိုင်းနဲ့ အနောက်ပိုင်းဒေသတွေက  ဂျပန်ပင်လယ်ကမ်းရိုးတန်းတလျှောက်မှာ ဆီးနှင်းတွေ ဆက်ကျနေတာကြောင့် လူ ၈ ဦး သေဆုံးပြီး ဒါဇင်နဲ့ချီတဲ့ ထိခိုက်ဒဏ်ရာရသူတွေ ရှိခဲ့တယ်လို့ ဂျပန်နိုင်ငံရဲ့ အများပြည်သူရုပ်သံလိုင်း NHK က ပြောပါတယ်။

ဂျပန်နိုင်ငံ ဟော့ကိုင်းဒိုးရှိ ကျေးလက်ဒေသတွေမှာ ဆီးနှင်းထုက ၁ မီတာနဲ့ ၆၁ စင်တီမီတာ လူတရပ်နီးပါး ၅ ပေကျော်လောက် ရှိပါတယ်။

ဟော့ကိုင်းဒိုးရဲ့ မြို့တော် ဆက်ပိုရိုကို ဆက်သွယ်ထားတဲ့ ရထားတွေကို ရပ်ဆိုင်းထားမှာ ဖြစ်ကြောင်း ဂျပန်မီးရထားဌာနရဲ့ ဆက်ပိုရိုဘူတာရုံက ပြောပါတယ်။

ဆီးနှင်းတွေ ထူထူထပ်ထပ် ကျရောက်မှုကြောင့် ယာဉ်ကြောတွေပြတ်တောက်ပြီး လျှပ်စစ်ဓာတ်အား ပြတ်တောက်မှုလည်း ဖြစ်စေနိုင်တာကြောင့် ဒေသခံတွေကို သတိထားနေထိုင်ဖို့နဲ့ ဒီဇင်ဘာ ၂၆ ရက်အထိ မလိုအပ်ဘဲ အပြင်ထွက်တာ ရှောင်ကြဉ်ဖို့ မိုးလေဝသ တာဝန်ရှိသူတွေက တောင်းဆိုထားပါတယ်။