တိုကျိုမြို့ရှိ ဓာတုဗေဒစက်ရုံ မီးလောင်

ဂျပန်နိုင်ငံ တိုကျိုမြို့ရှိ ဓာတုစက်ရုံ နှစ်ထပ်အဆောက်အဦဟာ ဒီဇင်ဘာ ၂၇ ရက်က မီးလောင်မှုဖြစ်ပွားခဲ့ပြီး အနီးနားရှိ အဆောက်အအုံတွေဆီ မီးက ပျံ့နှံ့သွားပါတယ်။
ဆိုရှယ်မီဒီယာပေါ်တင်ထားတဲ့ ဗီဒီယိုဖိုင်မှာ မီးလောင်နေတဲ့ အဆောက်အဦကနေ မီးခိုးလုံးကြီး အကြီးကြီး ထွက်လာတာကို တွေ့ရပါတယ်။
အထင်ကရ Tokyo Skytree အဆောက်အဦကနေ ခန့်မှန်းခြေ ၂ ဒသမ ၈ ကီလိုမီတာ ကွာဝေးတဲ့နေရာမှာ လောင်နေတာဖြစ်ပြီး အဝေးက ဒေသခံတွေဟာ မီးလောင်မှုကို လှမ်းမျှော်ကြည့်နေကြတာပါ။
ဒေသစံတော်ချိန် မနက် ၁၀ နာရီလောက်က ဆပ်ပြာရည်ထုတ်လုပ်တဲ့ ဓာတုဗေဒစက်ရုံမှာ မီးလောင်မှု ဖြစ်ပွားခဲ့တာပြီးနောက် အနီးနားရှိ အဆောက်အအုံတွေကို မီးကူးစက်ခဲ့ကာ စုစုပေါင်း အဆောက်အအုံ ၅ လုံး မီးလောင်ကျွမ်းခဲ့ကြောင်း NHK သတင်းကနေ သိရပါတယ်။
ဒေသခံတွေကို အနီးနားရှိ ကယ်ဆယ်ရေးစခန်းတွေဆီ ရွှေ့ပြောင်းပေးဖို့ တောင်းဆိုထားပါတယ်။ NHK ရဲ့ ပြောကြားချက်အရ လူသေဆုံးမှုမရှိကြောင်းနဲ့ စက်ရုံအတွင်း မီးခိုးငွေ့တွေ ရှူရှိုက်မိပြီးနောက် စက်ရုံအလုပ်သမားတဦးသာ ဒဏ်ရာရရှိခဲ့ကြောင်း သိရပါတယ်။