အမျိုးသားရေးတက်ကြွလှုပ်ရှားတဲ့ ဦးဝီရသူနဲ့ ဒေါက်တာအေးမောင်အပါအဝင် ဂုဏ်ထူးဆောင်ဘွဲ့ရသူတွေကို အာဏာသိမ်းစစ်ခေါင်းဆောင်ဗိုလ်ချုပ်မှူးကြီးမင်းအောင်လှိုင်က   ဇန်နဝါရီ  ၂ ရက်က နေပြည်တော်မှာ အခမ်းအနားနဲ့ ဆုပေးအပ်ခဲ့ပါတယ်။

(၇၅) နှစ်မြောက် စိန်ရတု လွတ်လပ်ရေးနေ့ အထိမ်းအမှတ်အဖြစ် ဂုဏ်ထူးဆောင်ဘွဲ့တွေကို ဇန်နဝါရီ ၁ ရက်ကတည်းကစတင် ပေးအပ်နေရာမှာ ဘွဲ့ရသူတွေများလွန်းလို့ တရက်တည်းနဲ့ ဆုပေးပွဲမပြီးစီးတဲ့အတွက် နောက်တရက်မှာလည်း တနေကုန်နီးပါး ဆုပေးပွဲကို ဆက်လက် ကျင်းပခဲ့ရပါတယ်။

စစ်ကောင်စီဥက္ကဋ္ဌရုံး သဘင်ဆောင်မှာ လုံခြုံရေးတင်းကျပ်ပြီး တံခါးပိတ်ကျင်းပခဲ့တဲ့ ဆုပေးပွဲ ဒုတိယနေ့မှာတော့   သီရိပျံချီဘွဲ့ရရှိသူ(၁၆၈)ဦး၊ ဝဏ္ဏကျော်ထင်ဘွဲ့ ရရှိသူ(၁၅၃)ဦး၊ အလင်္ကာကျော်စွာဘွဲ့ရရှိ သူ(၁၈)ဦးနှင့် သိပ္ပကျော်စွာဘွဲ့ရရှိသူ(၅)ဦးတို့ကိုပေးအပ်ခဲ့တယ်လို့ စစ်ကောင်စီက သတင်းထုတ်ပြန်ပါတယ်။

ပြည်သူလူထု ဆင်းရဲကျပ်တည်းပြီး တိုင်းပြည်စီးပွားရေးဆိုးရွားနေချိန်မှာ စစ်ခေါင်းဆောင်ဟာ သူ့အပေါ် ထောက်ခံမှုရဖို့အတွက်  အမေရိကန်  ဒေါ်လာ သန်း ၃၃ သန်းကျော်ပမာဏနဲ့ ညီမျှတဲ့ ပြည်သူ့ဘဏ္ဍာငွေ ကျပ်   ၇ ဘီလီယံကျော်အသုံးပြုပြီး သူ့ကိုယ်သူအပါအဝင် စစ်အုပ်စုနဲ့ ပနံသင့်သူတွေကို ဂုဏ်ထူးဆောင်ဘွဲ့တွေ ပေါပေါများများပေးအပ်နေတာဖြစ်ပါတယ်။

Photo-DSINFO