အမေရိကန်ပြည်ထောင်စုဟာ ယူကရိန်းနိုင်ငံကို ဒေါ်လာ သန်း ၄၀၀ တန်တဲ့ အဆင့်မြင့် M1 Abrams တင့်ကား ၃၁ စီး ထောက်ပံ့မယ်လို့ ဇန်နဝါရီ ၂၅ ရက်မှာ ကြေညာလိုက်ပါတယ်။

အိမ်ဖြူတော်မှာ သမ္မတ ဂျိုးဘိုင်ဒင်က အဲဒီဆုံးဖြတ်ချက်ကို ကြေညာခဲ့ပြီး ယူကရိန်းမှာ Leopard 2 တင့်ကားတွေ ထောက်ပံ့ပေးဖို့ ဆုံးဖြတ်ချက်အတွက် ဂျာမနီကို ကျေးဇူးတင်တယ်လို့ ပြောပါတယ်။ “ဂျာမနီက တကယ်ကို အရှိန်မြှင့်နေပြီ” လို့လည်း ဘိုင်ဒင်က ပြောပါတယ်။

“ပူတင်က ဥရောပနဲ့ အမေရိကန်တို့ရဲ့ ဆုံးဖြတ်ချက်ကို အားနည်းသွားစေမယ်လို့ မျှော်လင့်ခဲ့ပါတယ်။ ယူကရိန်းရဲ့ ပံ့ပိုးကူညီမှုဟာ အချိန်နဲ့အမျှ ပြိုပျက်သွားလိမ့်မယ်လို့ မျှော်လင့်ခဲ့ပါတယ်။ သူမှားခဲ့ပါတယ်။ အစကတည်းက မှားခဲ့ပြီး သူက ဆက်မှားခဲ့ပါတယ်။ အမေရိကန်က စည်းလုံးပြီး ကမ္ဘာကြီးလည်း အတူတူပါပဲ” လို့ ဘိုင်ဒင်က အမေရိကန်နဲ့ ဥရောပမဟာမိတ်တွေကို ပြောခဲ့ပါတယ်။

“ထိန်းသိမ်းရခက်တဲ့ Abrams တင့်ကားတွေကို အမေရိကန်က ဖြန့်ကျက်ချထားဖို့ စိတ်ကူးနဲ့ အေးအေးဆေးဆေးနေခဲ့တာပါ။ ဒါပေမဲ့ ဂျာမနီထုတ် ပိုလွယ်လွယ်သုံးနိုင်တဲ့ Leopard 2 တင့်ကားတွေကို ယူကရိန်းဆီပို့ဖို့ ဂျာမနီကို ဆွဲဆောင်နိုင်ရေး တင်းကျပ်မှုကို ပြောင်းလဲခဲ့ရပါတယ်။ အနောက်နိုင်ငံ မဟာမိတ်တွေက ယူကရိန်းဆီက သိမ်းပိုက်ထားတဲ့ နယ်မြေကနေ ရုရှားကို မောင်းထုတ်ဖို့ ကြိုးစားရာမှာ ဖြစ်နိုင်ခြေရှိတဲ့ နွေဦး တန်ပြန်ထိုးစစ်အတွက် ပြင်ဆင်ရာမှာ ဝါရှင်တန်နဲ့ ဘာလင်တို့ရဲ့ ဆုံးဖြတ်ချက်တွေ ထွက်ပေါ်လာပါတယ်။ ရုရှားအတွက် ထိုးစစ်ခြိမ်းခြောက်မှု မရှိပါဘူး” လို့ သမ္မတဘိုင်ဒင်က ပြောခဲ့ပါတယ်။

Abrams တင့်ကားတင်ပို့မှုဟာ ယူကရိန်းထဲက တခြားတင့်ကားတွေလို ‘မီးလောင်’ တာကြောင့် ငွေဖြုန်းတာပဲလို့ ရုရှား ကရင်မလင်နန်းတော် ပြောခွင့်ရ ဒမစ်ထရီ ပဲ့စ်ကို့ဗ်က ပြောပါတယ်။

ယူကရိန်းသမ္မတ အုပ်ချုပ်ရေးအကြီးအကဲ အန်ဒရီ ယာမက်ခ်က ဒီ တင့်ကားကြေညာချက်တွေကို စစ်ပွဲရဲ့ရလဒ်ကို ဆုံးဖြတ်ရာမှာ အထောက်အကူ ဖြစ်စေမယ့် “သမိုင်းဝင်နေ့” အဖြစ် ချီးကျူးခဲ့ပါတယ်။

ယူကရိန်းစစ်တပ်က အဖွဲ့ဝင်တွေကို Abrams တင့်ကားတွေ သုံးဖို့ လေ့ကျင့်ပေးမယ့် နေရာကိုတော့ မသတ်မှတ်ရသေးပါဘူး။

ဒီတင့်ကားတွေဟာ အလွန်ခေတ်မီပြီး စျေးကြီးတဲ့လက်နက်ဖြစ်ပေမဲ့ ထိန်းသိမ်းဖို့ခက်ခဲပြီး ထောက်ပံ့ပို့ဆောင်ရေး စိန်ခေါ်မှုတွေတော့ရှိပါတယ်။