မာတီနက်ဇ်၏ ခြေစွမ်းအပေါ် မှားယွင်းစွာသုံးသပ်ခဲ့မိကြောင်း ကာရေဂါ ဝန်ခံ
မန်ယူအသင်းနောက်ခံလူ မာတီနက်ဇ်ရဲ့ခြေစွမ်းအပေါ် မှားယွင်းစွာသုံးသပ်ခဲ့မိကြောင်း နောက်ခံလူဟောင်း ကာရေဂါကဝန်ခံစကားဆိုပါတယ်။
ဟော်လန်ကလပ် အိုင်းယက်စ်ကနေ မန်ယူအသင်းဆီပြောင်းရွှေ့လာချိန်က မာတီနက်ဇ်ဟာ အရပ် ၅ ပေ၉ လက်မပဲရှိတာကြောင့် ပရီးမီးယားလိဂ်ခြေစွမ်းပြနိုင်မှာမဟုတ်ကြောင်း ကာရေဂါက သုံးသပ်ခဲ့ဖူးတာပါ။
လက်ရှိအချိန်မှာတော့ မာတီနက်ဇ်ဟာ ယူနိုက်တက်ရဲ့ နောက်ဆုံး ၆ ပွဲဆက်တိုက်ပွဲထွက်ကစားပြီး ခြေစွမ်းပြသနိုင် ခဲ့ပါတယ်။
ကမ္ဘာ့ဖလားမှာလည်း အာဂျင်တီးနားအသင်းနဲ့အတူ ချန်ပီယံဖြစ်ခဲ့ပါသေးတယ်။ လက်ရှိ အချိန်မှာတော့ မာတီနက်ဇ်ရဲ့ခြေစွမ်းက သူ့အပေါ်အံ့အားသင့်စေပြီး ထူးခြားတဲ့ ကစားသမားဖြစ် တယ်လို့ ကာရေဂါက ချီးကျူးပါတယ်။
ကစားသမားတိုင်းမှာ အားနည်းချက်ကိုယ်စီရှိကြပြီး အကောင်းဆုံးကစားသမားတွေဟာ အားနည်း ချက်တွေကို ဖုံးဖိထားနိုင်ကြောင်း၊ မာတီနက်ဇ်ရဲ့ ခြေစွမ်းဟာ အရင်က ဝေဖန်ခဲ့မှုတွေကို မှားယွင်းစေခဲ့ကြောင်း ကာရေဂါကပြောသွားပါတယ်။
