အဆိုတော် Adele နဲ့ Ed Sheeran တို့ကို မေလ ၆ ရက်မှာ ကျင်းပမယ့် ချားလ်စ်ဘုရင်နဲ့ ဘုရင်မ ကယ်မီလာတို့ရဲ့ နန်းတက်ပွဲအပြီး မေလ ၇ ရက်မှာ ကျင်းပမယ့် ဂီတဖျော်ဖြေပွဲမှာ ဖျော်ဖြေဖို့ ထိပ်ဆုံးကနေ ဖိတ်ကြားခဲ့ပေမဲ့ ငြင်းပယ်ခဲ့တယ်လို့ သိရပါတယ်။

Ed Sheeran ကတော့ နန်းတက်ပွဲမတိုင်ခင် တက္ကဆက်မှာဖျော်ဖြေဖို့ အချိန်ဇယား ရှိတာကြောင့် နန်းတက်ပွဲမှာ ဖျော်ဖြေဖို့ ကိုယ်ပိုင်လေယာဉ်နဲ့ ၉ နာရီကြာ စီးနင်းရမှာဖြစ်ပြီး သူ့အတွက် ခက်ခဲတာကြောင့် ငြင်းဆိုရတာလို့ ပြောရေးဆိုခွင့်ရှိသူတဦးက ဆိုပါတယ်။

Adele အနေနဲ့ မေလ ၇ ရက်မှာ ဖျော်ဖြေဖို့ အချိန်ဇယားမရှိပေမဲ့ ခိုင်လုံတဲ့ အကြောင်းပြချက် မရှိဘဲ ဖျော်ဖြေဖို့ ငြင်းဆန်ခဲ့တယ်လို့ ထုတ်ပြန်ချက်တွေအရ သိရပါတယ်။

နှစ်ယောက်လုံးက ကမ္ဘာကျော် ဗြိတိန်အဆိုတော်တွေဖြစ်ပေမဲ့ နန်းတက်ပွဲမှာ ဖျော်ဖြေဖို့ ငြင်းဆန်ခဲ့တာကြောင့် ဘုရင်ကြီးရဲ့ ဂုဏ်သိက္ခာပိုင်း အနည်းငယ်ထိခိုက်ပြီး ရှက်စရာပါလို့ ဝေဖန်သူတချို့က ပြောပါတယ်။

အဲလိဇဘက် ဘုရင်မကြီး သေဆုံးပြီးနောက် ၂၀၂၂ ခု စက်တင်ဘာ ၈ ရက်မှာ ချားလ်စ်က ဘုရင်ဘွဲ့ခံယူခဲ့တာဖြစ်ပြီး ၂၀၂၃ ခု မေလ ၇ ရက်နေ့မှာ ကျင်းပမယ့် နန်းတက်ပွဲမှာ ဖျော်ဖြေဖို့ Lionel Richie၊ The Spice Girls နဲ့ ပေါ့ပ်အဆိုတော် Harry Styles တို့ကို ဖိတ်ကြားထားပေမဲ့ တရားဝင် အတည်ပြုထား‌တာတော့ မရှိဘူးလို့ သိရပါတယ်။