ရုရှားနိုင်ငံရဲ့ မြို့တော် မော်စကိုမြို့ မြေအောက်ရထားဘူတာရုံမှာ ဖေဖော်ဝါရီ ၂၇ ရက်က မီးလောင်ပြီး  မီးခိုးတွေ ပြည့်လာလို့  ခရီးသည်တွေကို ဘေးလွတ်ရာဆီ ရွှေ့ပြောင်းပေးခဲ့ရပါတယ်။

လျှပ်စစ်ဝါယာကြိုးတွေ ဝါယာရှော့ကြောင့်ဖြစ်ပြီး မီးလောင်မှုကို ထိန်းချုပ်နိုင်ပြီလို့ အရေးပေါ်ဌာနတွေကို ကိုးကားပြီး ရုရှားမီဒီယာတွေက ဖော်ပြခဲ့ပါတယ်. 

ခရီးသည်အားလုံးကို ဘေးလွတ်ရာ ရွှေ့ပြောင်းခဲ့ရပြီး ခရီးသည်တချို့က ဆေးကုသမှုခံယူဖို့ လိုအပ်တယ်လို့ သတင်းတွေထွက်နေပေမယ့် အသေအပျောက်နဲ့ ထိခိုက်သူ မရှိဘူးလို့ ရီယာ နိုဗိုစတီ သတင်းဌာနက ဖော်ပြခဲ့ပါတယ်။

မော်စကိုမြို့လယ်ရဲ့ အနောက်တောင်ဘက်က စပေါ့တစ်ဗ်နာယာ မြေအောက်ဘူတာရုံမှာ မီးလန့်တာဖြစ်ပြီး ရထားလိုင်း အနှောင့်အယှက်ဖြစ်ခဲ့တယ်လို့ ရိုက်တာသတင်းဌာနက ဖော်ပြပါတယ်။