မန်စီးတီးအသင်းနဲ့အတူ ပထမဆုံးအကြိမ် ဥရောပချန်ပီယံလိဂ် ဆုဖလားရယူနိုင်ခြင်းရှိ၊ မရှိက သူ့ရဲ့ စွမ်းဆောင်ရည်နဲ့ အောင်မြင်မှုအပေါ်  အဆုံးဖြတ်ပေးလိမ့်မယ်လို့ နည်းပြ ဂွါဒီယိုလာက ပြောပါတယ်။ 

စပိန်နည်းပြဟာ ၂၀၁၆ ခုနှစ်ကတည်း  မန်စီးတီးကို တာဝန်ယူခဲ့ပေမယ့် ချန်ပီယံလိဂ်ပြိုင်ပွဲမှာ ဗိုလ်လုပွဲကိုပဲ အမြင့်ဆုံးတက်ရောက်ခဲ့ဖူးတာပါ။

ချန်ပီယံလိဂ်ဆုဖလား ရ၊ မရက မန်စီးတီးနည်းပြလက်ထက် အောင်မြင်မှု ရှိ၊ မရှိကို အဆုံးဖြတ်ပေးလိမ့်မယ်ဆိုတဲ့ အချက်ဟာ လက်ခံချင်စရာမကောင်းပေမယ့် လူတွေက အဲဒီလိုပဲ ဆုံးဖြတ်လိမ့်မယ်လို့ နည်းပြ ဂွါဒီယိုလာက ပြောပါတယ်။ 

မန်စီးတီးဟာ အခုနှစ်ချန်ပီယံလိဂ် ၁၆ သင်းအဆင့် ပထမအကျော့ပွဲစဉ်မှာ ဂျာမန်ကလပ် လိုက်ဇစ်နဲ့ တစ်ဂိုးစီ သရေကျခဲ့ပြီး အိမ်ကွင်းပွဲစဉ်မှာ နိုင်ပွဲပြန်ယူနိုင်လို့ လိုအပ်နေပါတယ်။