မန်စီးတီးအသင်းအနေနဲ့ အခုနှစ်ရာသီမှာ ဆုဖလားသုံးလုံးရယူနိုင်ခဲ့ရင် မနာလိုဝန်သိုတာမျိုး ဖြစ် မှာမဟုတ်ကြောင်း မန်ယူဂန္ထဝင်ကွင်းလယ်လူရွိုင်ကိန်းက ပြောသွားပါတယ်။

ရှက်ဖီးလ်ယူနိုက်တက် ကို ၃ ဂိုး ဂိုးမရှိနဲ့ အနိုင်ရခဲ့ပြီးနောက် မန်စီးတီးက အက်ဖ်အေဖလား ဗိုလ်လုပွဲတက်ရောက်နိုင်ခဲ့အပြီးမှာ ဆုဖလားသုံးလုံးမျှော်လင့်ချက်နဲ့ ပတ်သက်ပြီး ရွိုင်ကိန်းကသုံးသပ်ခဲ့တာပါ။

ရွိုင်ကိန်းဟာ မန်ယူအသင်းနဲ့အတူ ၁၉၉၈-၉၉ ဘောလုံးရာသီမှာ ဆုဖလားသုံလုံး ရယူနိုင်ခဲ့သူဖြစ်ပြီး မန်စီးတီးဟာလည်း အဲဒီလို ဆုဖလားသုံးလုံးရယူနိုင်ခဲ့မယ်ဆိုရင် မနာလိုစရာမရှိကြောင်း ပြောခဲ့တာပါ။ 

“ဖလားသုံးလုံးရခဲ့မယ် ဆိုရင် သူတို့ရဲ့အောင်မြင်မှုအပေါ် မနာလိုစရာမရှိပါဘူး။ ဆုဖလားတွေရယူနိုင်ဖို့က ဘယ်လောက်ခက်ခဲသလဲဆိုတာ ကျနော်ကိုယ်တိုင်သိတဲ့အတွက် စီးတီးသာရယူနိုင်ခဲ့ရင် ရိုးရိုးသားသားနဲ့ပဲ လက်ခုတ်တီးပေးမှာပါ။ ဒါပေမဲ့ ချန်ပီယံလိဂ်ဆီမီးဖိုင်နယ်မှာ ရီးယဲလ်မက်ဒရစ်လို အသင်းကို ကျော်ဖြတ်နိုင်ဖို့ကတော့ အာတားအဆီးတချို့ရှိလာနိုင်တယ်လို့ ထင်ပါတယ်” လို့ရွိုင်ကိန်းက ပြောပါတယ်။

မန်စီးတီးအသင်းဟာ ပရီးမီးယားလိဂ်မှာလည်း အာဆင်နယ်ထက် နှစ်ပွဲ လျော့ကစားထားပြီး ၅မှတ်ပဲ ကွာဟတော့တာဖြစ်လို့ လက်ကျန်နှစ်ပွဲအနိုင်ရမယ်ဆိုရင် အဆင့်တစ် နေရာကို ရယူနိုင်မှာဖြစ်ပါတယ်။