အသင်းရဲ့ခွင့်ပြုချက်မရဘဲ ဆော်ဒီနိုင်ငံဆီ အလည်အပတ်သွာရောက်ခဲ့တဲ့အပေါ် ပီအက်စ်ဂျီ အသင်းကို မက်ဆီက တောင်းပန်စကားဆိုခဲ့ပါတယ်။ 

မက်ဆီဟာ ဆော်ဒီနိုင်ငံရဲ့ခရီးသွားသံတမန် အဖြစ်ခန့်အပ်ခဲ့ထားရသူဖြစ်ပြီး ပြီးခဲ့တဲ့တစ်ပတ်က မိသားစုဝင်တွေနဲ့အတူ သွားရောက်လည်ပတ်ခဲ့တာပါ။

အဲဒီခရီးစဉ်နဲ့ ပတ်သက်ပြီး ပီအက်စ်ဂျီအသင်းဘက်က ခွင့်ပြုထားတာမဟုတ်တဲ့အတွက် နှစ်ပတ်ကြာ ပွဲပယ်ပြစ်ဒဏ်ချမှတ်ဖို့ လုပ်ဆောင်ခဲ့ပါတယ်။

မက်ဆီဘက်ကတော့ အင်စတာဂရမ်အကောင့်ကနေ တစ်ဆင့် စာနဲ့ရော၊ Video ဖိုင်နဲ့ပါ ပီအက်စ်ဂျီအသင်းကို တောင်းပန်သွားခဲ့ပြီး အရင်တစ်ကြိမ်ကလည်း ခရီးစဉ်ကိုပယ် ဖျက်ခဲ့တာကြောင့် ဒီတစ်ကြိမ်မှာ မဖြစ်သာတော့လို့ သွားခဲ့ရတာဖြစ်ကြောင်း တောင်းပန်စာမှာ ပြောထားပါတယ်။ 

ခွင့်ပြုချက်မရဘဲသွားရောက်ခဲ့တဲ့အတွက် အသင်းဖော်တွေကို တောင်းပန်သလို အသင်းဘက်က ဖြစ်ချင်တာကိုလည်း နာခံဖို့အသင့်ရှိကြောင်း မက်ဆီကပြောပါတယ်။

မက်ဆီဟာ အခုနှစ်ရာသီအကုန်မှာ စာချုပ်သက်တမ်းကုန်ဆုံးမှာဖြစ်ပြီး သက်တမ်းတိုးဖို့ ငြင်းဆန်ထားတာကြောင့် အသင်းပြောင်းရွှေ့ဖို့ရှိပါတယ်။