ရီးရဲလ်မက်ဒရစ်အသင်းဟာ ဘဏ္ဍာရေးလိုငွေပြနေတဲ့ ပီအက်စ်ဂျီအသင်းရဲ့အခြေအနေကို စောင့်ကြည့်နေပြီး တိုက်စစ်မှူးအမ်ဘာပေကိုခေါ်ယူဖို့ ကြိုးပမ်းသွားမယ်လို့ သိရပါတယ်။

ပီအက်စ်ဂျီအသင်းဟာ မက်ဆီကို အလွတ်ပြောင်းရွှေ့ကြေးနဲ့ ခေါ်ယူမှာဖြစ်တဲ့အပြင် အသင်းရှိ ကစားသမားတွေရဲ့ လုပ်ခလစာ အခြေအနေကြောင့် ပေါင်သန်း၁၅၀ လိုငွေပြနေတယ်လို့သိရပါတယ်။

ဥရောပဘောလုံးအဖွဲ့ချုပ်က ထုတ်ပြန်ထားတဲ့ဘဏ္ဍာရေးစည်းမျဉ်းနဲ့ မကိုက်ညီတာကြောင့် ပေါင်သန်း ၁၅ အတွက်ကစားသမား တစ်ဦးကို ပြန်လည်ရောင်းချဖို့လိုအပ်နေတယ်လို့ စပိန်သတင်းစာ AS က ဖော်ပြပါတယ်။

မက်ဒရစ် ဥက္ကဋ္ဌ ပီရက်ဇ်ဟာ ပီအက်စ်ဂျီရဲ့ အခြေအနေကိုစောင့်ကြည့်နေပြီး ကာလရှည်ပစ်မှတ်ထားခဲ့တဲ့ တိုက်စစ်မှူး အမ်ဘာပေကို ခေါ်ယူဖို့ ကြိုးပမ်းမယ်လို့ AS သတင်းစာကဖော်ပြပါတယ်။ 

ပီအက်စ်ဂျီ အသင်းဟာ အင်တာက ဟာကီမီအတွက် ပေါင်သန်း ၆ဝ အသုံးပြုခဲ့ရသလို ရာမို့စ်၊ ဝီလ်နယ်ဒမ်းတို့ကို အလွတ်နဲ့ခေါ်ယူခဲ့ပေမယ့် လုပ်ခလစာကြောင့် ဘဏ္ဍာရေးစည်းမျဉ်းနဲ့ ကိုက်ညီမှု မရှိသေးတာလို့ သိရပါတယ်။

ရီးရဲလ်အသင်းဟာ အပြောင်းအရွှေ့အတွက် ပေါင်သန်း ၁၀၀ လျာထားသလို အိုရီဂတ်နဲ့ လူကာဂျိုဗစ်တို့ကို ရောင်းချပြီးလည်း အသုံးစရိတ်ရှာဖွေသွားမယ်လို့ သိရပါတယ်။