ဒီဇင်ဘာ ၃ ရက် မနေ့က ကစားသွားတဲ့ Davis Cup တင်းနစ် အကြိုဗိုလ်လုပွဲစဉ်မှာ ခရိုအေးရှားအသင်းက ဆားဗီးယားအသင်းကို ၇-၅ ၊ ၆-၁ နဲ့ အနိုင်ရရှိပြီး ဗိုလ်လုပွဲကို တက်ရောက်သွားပါတယ်။ 

ခရိုအေးရှား တင်းနစ်ကစားသမားတွေ ဖြစ်တဲ့ နီကိုလာမခ်တစ်နဲ့  မာတီပါဗစ်တို့ အတွဲက ဆားဗီးယားက နိုဗစ်ဂျိုကိုဗစ်နဲ့ အတွဲညီတဲ့ ဖိလစ်ပ်ကာဂျီနိုဗစ်တို့ကို အနိုင်ရသွားတာ ဖြစ်ပါတယ်။

ခရိုအေးရှားအသင်းဟာ ဒီဇင်ဘာ ၅ ရက်မှာ ကျင်းပမယ့် အကြိုဗိုလ်လုပွဲမှာ အနိုင်ရမယ့် ဂျာမန်အသင်း၊ ဒါမှမဟုတ် ရုရှားအသင်းနဲ့ ယှဉ်ပြိုင်ရမှာ ဖြစ်ပါတယ်။ 

ခရိုအေးရှားအသင်းအတွက် Davis Cup ဖလားကို တတိယအကြိမ်မြောက် ရရှိနိုင်မယ့် အခွင့်အရေးလည်း ဖြစ်ပါတယ်။