အစ္စရေးဝန်ကြီးချုပ် နက်ဖ်တာလီဘန်းနက်က အီရန်အရေးကိစ္စ ဆွေးနွေးဖို့ ယူအေအီး အာရပ်နိုင်ငံကို သမိုင်းဝင်ခရီးထွက်ခဲ့ပြီး တော်ဝင်မင်းသား ရှိခ်မိုဟာမဒ်ဘင်ဇာယဒ် အလ်နာယန်နဲ့  တွေ့ဆုံပါတယ်။

အီရန်အပေါ် နှစ်နိုင်ငံလုံးက စိုးရိမ်မှုရှိပြီး မနှစ်က ချုပ်ဆိုခဲ့တဲ့ အမေရိကန်-အစ္စရေး-ယူအေအီး သုံးနိုင်ငံ ‘အေဘရာဟမ် သဘောတူညီချက်’ ကတဆင့် ဆက်ဆံရေးတိုးမြှင့်တဲ့ ခရီးစဉ် ဖြစ်ပါတယ်။

အီရန်ဟာ အစ္စရေးရဲ့ အကြီးမားဆုံးပြိုင်ဘက်နိုင်ငံ ဖြစ်ပါတယ်။ အစ္စရေးဝန်ကြီးချုပ်တစ်ဦးရဲ့ ပထမဆုံး ယူအေအီးနိုင်ငံခရီးမှာ  မစ္စတာနက်ဖ်တာလီက စီးပွားရေးနဲ့ ယဉ်ကျေးမှု ပူးပေါင်းဆောင်ရွက်မှုတွေကိုပဲ ရှေ့ဗန်းပြထားပြီး အီရန်နဲ့ပတ်သက်လို့ လူသိရှင်ကြား မပြောသေးပါဘူး။

တဘက်မှာတော့ အမေရိကန်က အီရန်နဲ့ နျူကလီးယားပြဿနာ ဆွေးနွေးပွဲတွေ ပြန်စဖို့ ရှိနေပါတယ်။