ဂျာမန် NGO သင်္ဘော Sea-Watch 3 ဟာ မြေထဲပင်လယ်ထဲမှာ ၅ ကြိမ်တိုင် ကင်းလှည့်ရှာဖွေပြီး  ရွှေ့ပြောင်းအခြေချသူ ၄၄၄ ဦးကို ကယ်ဆယ်နိုင်ခဲ့ပါတယ်။

အခု ကယ်ဆယ်ရေးလုပ်ငန်းတွေ ပြီးသွားပြီးမို့ ဒုက္ခသည်တွေကို ဘေးကင်းရာလွှဲပြောင်းပေးဖို့ အီတလီဆိပ်ကမ်းမှာ စောင့်ဆိုင်းနေပါတယ်။ 

ဒီဇင်ဘာ ၂၄ မှာ အီတလီ လမ်ပီဒူဆာကျွန်းတောင်ဘက် နိုင်ငံတကာရေကြောင်းထဲက နှစ်ထပ်သစ်သားလှေပေါ်ပါတဲ့ ဒုက္ခသည် ၉၃ ဦးကို ကယ်ဆယ်ခဲ့ပါတယ်။ 

ဒီဇင်ဘာ ၂၅ ရက် ခရစ္စမတ်နေ့မှာ လစ်ဗျားကမ်းရိုးတန်းနဲ့ အတော်ဝေးကွာတဲ့ နိုင်ငံတကာရေကြောင်းမှာ သစ်သားလှေတွေထဲ ပြည့်ကျပ်ညပ်နေတဲ့ ဒုက္ခသည် ၂၅၇ ဦးကို ကယ်တင်နိုင်ခဲ့ပါတယ်။ 

ရှေ့တပတ်ထဲမှာလည်း မြေထဲပင်လယ်ထဲ ထွက်ပြေးဖို့ ကြိုးစားရင်း ရေနစ်နေတဲ့ လူ ၁၆၀ ကို ကယ်ဆယ်ခဲ့ပါတယ်။

အီတလီ ပြည်ထဲရေးဝန်ကြီးဌာန ဖော်ပြချက်အရ ၂၀၂၀ မှာ မြေထဲပင်လယ်ထဲမှာ ကယ်ဆယ်ခဲ့ရတဲ့ ဒုက္ခသည်အရေအတွက် ၃၄,၁၃၄ ဦး ရှိပြီး ၂၀၂၁ မှာ စုစုပေါင်း ၆၆,၄၈၄ ဦး ရှိတယ်လို့ ဖော်ပြထားပါတယ်။