“အတုအယောင်ပြည်ထောင်စုဝါဒ အမြစ်လှန်ကြ” အွန်လိုင်းဆွေးနွေးပွဲ တိုက်ရိုက်ကြည့်ရှုနိုင်
“အတုအယောင်ပြည်ထောင်စုဝါဒ အမြစ်လှန်ကြ” ခေါင်းစဉ်နဲ့ သမဂ္ဂကျောင်းသားတွေရဲ့ စကားဝိုင်းဆွေးနွေးပွဲတခု ကျင်းပသွားဖို့ ရှိနေပါတယ်။
ဒီဆွေးနွေးပွဲကိုတော့ တကသများ-ရန်ကုန်က စီစဉ်ပြီး ဒီကနေ့ ဖေဖော်ဝါရီ ၁၁ ရက် မနက် ၁၁ နာရီမှာ ပြုလုပ်သွားမှာဖြစ်ပြီး တကသများ-ရန်ကုန်ရဲ့ ဖေ့စ်ဘွတ်ခ်အင်တာနက်လူမှု ကွန်ရက်စာမျက်နှာပေါ်ကနေ တိုက်ရိုက်လိုက်ဖ် ကြည့်ရှုနိုင်မှာ ဖြစ်ပါတယ်။
ပါဝင်ဆွေးနွေးမယ့် သူတွေကတော့ ရဲဘော်စံ (ထားဝယ်မြို့နယ်အခြေခံပညာကျောင်းသား များသမဂ္ဂ)၊ ညီညီအောင်(မြစ်ကြီးနားနည်းပညာတက္ကသိုလ်ကျောင်းသားများသမဂ္ဂ)၊ ပိုင်ကိုကို (ရှမ်းပြည်နယ်ကျောင်းသားများသမဂ္ဂ)၊ ရဲဘော်ဗညား (တနင်္သာရီအခြေစိုက် ကျောင်း သားသမဂ္ဂများကွန်ရက်)၊ သော်ဇင်ထွန်း(ရက္ခိုင်ပြည်ကျောင်းသားသမဂ္ဂ)၊ မြတ်ဟိန်းထွန်း (ရက္ခိုင်ကျောင်းသားများသမဂ္ဂ(တက္ကသိုလ်များ-ရန်ကုန်)) တို့ဖြစ်ကြပြီး တကသများ-ရန်ကုန်မှ ကိုမာန်ဟိန်းနဲ့ ကိုသတ္တိတို့က Moderator တွေအနေနဲ့ ပါဝင်သွားကြမှာ ဖြစ်ပါတယ်။
ဆွေးနွေးပွဲကိုတော့ အပိုင်း ၂ ပိုင်းခွဲပြီး အပိုင်း ၁ မှာ အတုအယောင်ပြည်ထောင်စုဝါဒ၊ အပိုင်း ၂ မှာတော့ နိုင်ငံတည်ဆောက်မှုပုံစံအသစ်ကို ဘယ်လိုဖော်ဆောင်ကြမလဲဆိုပြီး ဆွေး နွေးသွားကြမှာပါ။
ဗမာပြည်မက ပြည်သူတွေကြားထဲမှာ နှစ်ပေါင်းများစွာအမြစ်တွယ်ခဲ့တဲ့ စစ်အုပ်စုရဲ့ အတု အယောင်ပြည်ထောင်စုဝါဒအကြောင်းနဲ့ တော်လှန်ရေးကာလအလွန် နိုင်ငံတည်ဆောက်ရာမှာ ပြည်သူလူထုအားလုံးလက်ခံကြည်ဖြူတဲ့ နိုင်ငံတော်သစ်တခု ဘယ်လိုတည်ဆောက်ကြမလဲ ဆိုတာတွေကို ဒီဆွေးနွေးပွဲမှာ ဝင်ရောက်ကြည့်ရှုနိုင်ပါတယ်။
ဆွေးနွေးပွဲ တိုက်ရိုက်ကြည့်ရှုရန်လင့်ခ်-
