ဥရောပကော်မရှင်ဥက္ကဋ္ဌ အာဆူလာ ဗွန်ဒါလင်က ကမ္ဘာ့စီးပွားရေးပြန်လည်နာလန်ထစေဖို့နဲ့ တရုတ်ရဲ့ BRI စနစ်ကို ပြိုင်ဆိုင်ဖို့အတွက် အာဖရိကမှာ ယူရိုငွေ ၁၅၀ ဘီလီယံ (ဒေါ်လာ ၁၇၀ ဘီလီယံ) ရင်းနှီးမြှုပ်နှံမယ်လို့ ကြေညာလိုက်ပါတယ်။

မစ္စအာဆူလာက နောက်တပတ်ကျင်းပမယ့် ဥရောပသမဂ္ဂနဲ့ အာဖရိကသမဂ္ဂ ထိပ်သီးအစည်းအဝေးအတွက် ဆီနီဂေါလ်နိုင်ငံကို ကြိုရောက်ရှိနေစဉ် သတင်းစာရှင်းလင်းပွဲမှာ ပြောခဲ့တာပါ။ 

ဥရောပသမဂ္ဂရဲ့ Global Gateway strategy အစီအစဉ်အောက်ကနေ အာဖရိကနိုင်ငံတွေရဲ့ အခြေခံအဆောက်အအုံ၊ စက်မှုဖွံ့ဖြိုးမှု၊ ရာသီဥတုတိုက်ဖျက်မှု၊ ပညာရေး၊ ကျန်းမာရေး စတာတွေမှာ ရင်းနှီးမြှုပ်နှံမှာပါ။

ဥရောပရဲ့ Global Gateway strategy အစီအစဉ်က ကမ္ဘာ့ဖွံ့ဖြိုးရေးအတွက် တရုတ်ရဲ့ BRI စီမံကိန်းကို အစားထိုးဖို့ ဆောင်ရွက်နေတာပါ။

ပြီးခဲ့တဲ့ဒီဇင်ဘာမှာ အာဖရိကဟာ အဲဒီအစီအစဉ်ကနေ ယူရို ၃၀၀ ဘီလီယံ ဖွံ့ဖြိုးရေးအကူအညီ ရခဲ့ပါသေးတယ်။

ဥရောပနိုင်ငံတွေဟာ လက်ရှိမှာ အာဖရိကရဲ့ ရွှေ့ပြောင်းဒုက္ခသည်ပြဿနာကို ဖြေရှင်းဖို့အတွက် ဆင်းရဲမွဲတေမှုနဲ့ အလုပ်လက်မဲ့ပြဿနာတွေကို ဦးစားပေးဖြေရှင်းပေးနေပါတယ်။