အာဆင်နယ်အသင်းဟာ တောင်ပံကစားသမား မာတင်နယ်လီကို အထောင်တိုက်စစ်မှူးနေရာမှာ ကစားစေဖို့အတွက် လေ့ကျင့်ပြင်ဆင်ပေးနေတယ်လို့ သိရပါတယ်။ 

လန်ဒန်အခြေစိုက် မီဒီယာတွေရဲ့ ဖော်ပြချက်အရ ဘရာဇီးလူငယ်တိုက်စစ်ကစားသမား မာတင်နယ်လီဟာ လေ့ကျင့်ရေးကွင်းမှာ နံပါတ် ၉ တိုက်စစ်မှူးနေရာမှာထားပြီး လေ့ကျင့်ခဲ့တယ်လို့ သိရပါတယ်။ 

အာဆင်နယ်အသင်းဟာ တိုက်စစ်မှူး အူဘာမီယန်းကို ဘာစီလိုနာအသင်းဆီ လက်လွှတ်ခဲ့ရပြီး လာကာဇက်နဲ့ လူငယ်တိုက်စစ်မှူး အန်ကီတီယာတို့ ၂ ဦးသာ ကျန်ရှိတော့တာပါ။ 

သူတို့ ၂ ဦးစလုံးဟာလည်း အခုနှစ်ရာသီအကုန်မှာ ထွက်ခွာဖို့ နီးစပ်နေတာကြောင့် မာတင်နယ်လီကို အထောင်တိုက်စစ်မှူးနေရာမှာ အသုံးပြုဖို့ လေ့ကျင့်ပေးနေတာပါ။ 

အသက် ၂ဝ ရှိ မာတင်နယ်လီဟာ အခုနှစ်ရာသီမှာ ပရီးမီးယားလိဂ် ၁၅ ပွဲကစားရာမှာ ၄ ဂိုးသွင်းပြီး ၂ ဂိုး ဖန်တီးမှုပြုလုပ်ထားပါတယ်။ 

မာတင်နယ်လီဟာ အူဘာမီယန်းရဲ့ ကျောနံပါတ် ၁၄ ကိုလည်း ရာသီအကုန်မှာ ပြောင်းလဲဝတ်ဆင်ဖို့ ဆန္ဒရှိနေတယ်လို့ သိရပါတယ်။