ယူကရိန်းနိုင်ငံ မြို့တော်ကိယက်ဗ်နှင့်ခါရ်ခစ်ဗ်မြို့က စစ်ဌာနချုပ်များ ဒုံးကျည်ဖြင့် ပစ်ခတ်ခံရ

ယူကရိန်းနိုင်ငံ မြို့တော် ကိယက်ဗ်နဲ့ ခါရ်ခစ်ဗ်မြို့တွေက စစ်ဌာနချုပ်တွေ ဒုံးကျည်နဲ့ ပစ်ခတ်ခံရတယ်လို့ ယူကရိန်း ပြည်ထဲရေး ဝန်ကြီးဌာနက အရာရှိတယောက်ကို ကိုးကားပြီး ဖေဖော်ဝါရီ ၂၄ ရက် ယူကရိန်းစကာ ပရာဗ်ဒါ သတင်းမှာ ဖော်ပြပါတယ်။
ရုရှားက ယူကရိန်းနိုင်ငံကို စစ်ကြေညာအပြီး မကြာခင် ပေါက်ကွဲသံတွေ ဆက်တိုက်ကြားရတယ်လို့ ကိယက်ဗ်မြို့က မျက်မြင်သက်သေတွေက ပြောပါတယ်။
ယူကရိန်း နိုင်ငံခြားရေးဝန်ကြီး ဒမစ်ထရို ကူလေဘာကလည်း ရုရှားဟာ ယူကရိန်းကို အပြည့်အဝ စတင် ကျူးကျော်တိုက်ခိုက်နေပြီ၊ မြို့တွေကို လက်နက်တွေနဲ့ ပစ်မှတ်ထားပြီး တိုက်ခိုက်နေပြီလို့ တွစ်တာ လူမှုကွန်ရက်ပေါ် ကနေ ပြောခဲ့ပါတယ်။