အခုရာသီကုန်မှာ အက်သလက်တီကိုမက်ဒရစ်အသင်းက ထွက်ခွာဖို့ စီစဉ်နေတဲ့ ဥရုဂွေး ဝါရင့်တိုက်စစ်မှူး လူးဝစ်ဆွာရက်ဇ်ကို အသင်းဟောင်း အေဂျက်စ်အပါအဝင် ဥရောပ ထိပ်တန်းအသင်းတွေက စိတ်ဝင်စားနေကြပါတယ်။
ဆွာရက်ဇ်ဟာ အက်သလက်တီကိုမက်ဒရစ် အသင်းနဲ့ ပထမဆုံး လက်တွဲတဲ့ ရာသီမှာ အသင်းအတွက် လာလီဂါသွင်းဂိုး ၂၁ ဂိုး သွင်းယူပေးခဲ့ပြီး လာလီဂါ အမှတ်ပေးချန်ပီယံဆုကိုလည်း ရယူနိုင်ခဲ့ပါတယ်။
အခုရာသီမှာတော့ အက်သလက်တီကိုအသင်းမှာ အရေးပါမှု လျော့ကျလာသလို စာချုပ်သက်တမ်း ကုန်ဆုံးတော့မယ့် သူ့ကို အသင်းကလည်း သက်တမ်းတိုးဖို့ ဆွေးနွေးမှု မရှိသေးတာကြောင့် ဆွာရက်ဇ်ဟာ အသင်းကနေ ထွက်ခွာဖို့ စီစဉ်နေတာပါ။
ဆွာရက်ဇ်ကို ခေါ်ယူလိုတဲ့ အသင်းတွေထဲမှာ အသင်းဟောင်း အေဂျက်စ်အသင်း ပါဝင်နေသလို တခြား ဥရောပ ထိပ်တန်းအသင်းကြီးတွေဖြစ်တဲ့ အင်တာမီလန်၊ ဆီဗီလာ စတဲ့ အသင်းတွေလည်း ပါဝင်နေပါတယ်။