နိုင်ငံရေးနဲ့ စီးပွားရေး တည်ငြိမ်မှု စိုးရိမ်နေရတဲ့ အာရှရဲ့ နုနယ်တဲ့ ဒီမိုကရေစီနိုင်ငံ အရှေ့တီမောမှာ မတ် ၁၉ ရက် စနေနေ့က ပဉ္စမအကြိမ်မြောက် သမ္မတရွေးကောက်ပွဲကျင်းပခဲ့ပါတယ်။ 

ယှဉ်ပြိုင်တဲ့ သမ္မတလောင်း ၁၆ ဦး ရှိပြီး တော်လှန်ရေးခေါင်းဆောင် လက်ရှိသမ္မတ ဖရန်စစ္စကို လူအိုလို ဂူတာရပ်စ်၊ စာပေနိုဘယ်လ်ဆုရှင် ဟိုဆေးရာမို့စ်ဟော်တာနဲ့ ကက်သလစ်ဘုန်ကြီးဟောင်း တဦးတို့လည်း ပါဝင်ပါတယ်။

သမ္မတဂူတာရက်စ် ကိုယ်တိုင် မဲရုံကို လာရောက် မဲပေးတာပါ။ 

တီမော အမျိုးသားတက္ကသိုလ်က ရွေးကောက်ပွဲမတိုင်မီ ကောက်ယူတဲ့ စစ်တမ်းအရ အသက် ၇၂ နှစ်ရှိ ရာမို့စ်ဟောတာက ၃၉ ရာခိုင်နှုန်းနဲ့ ရှေ့က ပြေးနေပါတယ်။ 

လူဦးရေ ၁ ဒသမ ၃ သန်းရှိတဲ့ အရှေ့တီမောရဲ့ နိုင်ငံရေးစနစ်မှာ သမ္မတက အုပ်ချုပ်ရေး အာဏာအချို့ကို ခွဲဝေထားပေမဲ့ အစိုးရတဖွဲ့လုံးကို ခန့်အပ်တာပါ။ သမ္မတက ဝန်ကြီးတွေကို ဖြုတ်ချခွင့်ရှိသလို ပါလီမန်ကိုလည်း ဖျက်သိမ်းခွင့် ရှိပါတယ်။

အခုရွေးကောက်ပွဲမှာ သမ္မတလောင်းတဦး ပြတ်ပြတ်သားသား အနိုင်မရခဲ့ရင်၊ မဲအများဆုံးရတဲ့ ထိပ်ဆုံးနှစ်ဦး ဧပြီ ၁၉ ရက်မှာ ပြန်ယှဉ်ပြိုင်ကြရမှာပါ။