တရုတ်နဲ့ အစ္စလာမ်နိုင်ငံတွေ အနေနဲ့ ရုရှား-ယူကရိန်း ပဋိပက္ခကို ကြားဝင်ဖျန်ဖြေပြီး အပစ်ရပ်စဲရေး ဆောင်ရွက်ကြဖို့ ပါကစ္စတန်ဝန်ကြီးချုပ် အင်မရန်ခန်းက တိုက်တွန်းလိုက်ပါတယ်။
ပါကစ္စတန်မြို့တော် အစ္စလာမာဘဒ်မြို့မှာ ကျင်းပတဲ့ အစ္စလာမ် ပူးပေါင်းဆောင်ရွက်ရေးအဖွဲ့ (OIC) ရဲ့ နိုင်ငံခြားရေးဝန်ကြီးများ အစည်းအဝေးမှာ သူက တိုက်တွန်းပြောဆိုလိုက်တာပါ။
OIC အစည်းအဝေးကို တရုတ်နိုင်ငံခြားရေးဝန်ကြီး ဝမ်ယိ အထူးဧည့်သည်အဖြစ် တက်ရောက်ပါတယ်။
အဖွဲ့ဝင် ၅၇ နိုင်ငံ ပါရှိပြီး လူဦးရေ ၁ ဒသမ ၉ ဘီလီယံရှိတဲ့ OIC အဖွဲ့ကြီးအနေနဲ့ စစ်ပွဲ အမြန်ဆုံးရပ်ဖို့ ကြိုးစားသင့်ကြောင်း ခန်းက ပြောတာပါ။
စစ်ပွဲကြောင့် ကာယကံရှင်နိုင်ငံတွေ စီးပွားရေး ထိခိုက်ရုံသာမက တခြားနိုင်ငံတွေကိုပါ ဂယက်ရိုက်လာနေတယ်လို့လည်း ဆိုပါတယ်။
တရုတ်က ရုရှားရဲ့ ကျူးကျော်မှုကို စိုးရိမ်ကြောင်း ဖော်ပြမှု မရှိပေမဲ့ လူသားချင်း စာနာထောက်ထားမှုအတွက် ဒေါ်လာ ၁ ဒသမ ၅ သန်းကျော် ယူကရိန်းကို လှူဒါန်းပါတယ်။