ရွာတွေမီးရှို့ပြီး ပြည်သူကို ဖမ်းဆီးနှိပ်စက်သတ်ဖြတ်နေတဲ့ အကြမ်းဖက်စစ်ကောင်စီတပ်ဖွဲ့ဝင်  ၄ ယောက်ကို ဂျပန်အစိုးရက  စစ်ပညာသင်ပေးမှာကို  လုံးဝလက်မခံနိုင်ကြောင်း မြန်မာပြည်သားတွေက တိုကျိုမြို့ရှိ ဂျပန်ကာကွယ်ရေးဝန်ကြီးရုံးရှေ့မှာ ဧပြီ ၂၈ ရက်က ဆန္ဒပြခဲ့ကြပါတယ်။

စစ်ကောင်စီကို အားပေးအားမြှောက်လုပ်နေတာဖြစ်လို့  ဂျပန်အစိုးရရဲ့လုပ်ရပ်ကို မြန်မာနိုင်ငံသားတွေက လုံးဝခွင့်မလွှတ်ကြောင်း ဂျပန်လူမျိုးတွေနဲ့အတူ ပြတ်ပြတ်သားသား သတိပေးကန့်ကွက်ခဲ့ပါတယ်။