စစ်ကိုင်းတိုင်း၊ ကလေးမြို့ပေါ်အနောက်ပိုင်းရပ်ကွက်မှာ ဧပြီ ၂၉ ရက် ညက စစ်ကောင်စီတပ်နဲ့   ကလေး PDF တပ်ဖွဲ့ဝင်တွေကြား ပစ်ခတ်မှုဖြစ်ပြီး  ဒေသခံတယောက် သေဆုံးသွားပါတယ်။

တိုက်ပွဲအတွင်း စစ်ကောင်စီဘက်က လက်နက်ကြီး‌နဲ့ ပစ်ခတ်ခဲ့တာ‌ကြောင့် ဘူတာရုံတောင်ဘက် ဧမာနွေလ- ၂ ဘုရားကျောင်းနားက မြို့ခံတယောက်ရဲ့ အိမ်ပေါ် လက်နက်ကြီးကျည် ကျရောက်ပြီး နေအိမ်တွင်းရှိ အမျိုးသားတယောက် ကျည်ထိမှန် သေဆုံးသွားတယ်လို့ မြို့ခံတစ်ဦးက ပြောပါတယ်။

"လက်နက်ကြီးက သေဆုံးသူအမျိုးသားရဲ့ အိမ်ပေါ်ကျရောက်သွားတာ သေဆုံးသူအမျိုးသားရဲ့ ဦးခေါင်းနဲ့ လက်မောင်းမှာ ထိမှန်သွားတာ။ ထိမှန်ပြီးပြီးချင်း မဆုံးသေးဘူး။ နာရီပိုင်းအတွင်းမှာ ဆုံး သွားတာ။”

တိုက်ပွဲမှာ နှစ်ဖက်တပ်တွေ ထိခိုက် ဒဏ်ရာရတဲ့ အခြေအနေကိုတော့ ဒီဗွီဘီအနေနဲ့ အတည်မပြု နိုင်သေးပါဘူး။

ကလေးမြို့ပေါ်မှာ ဧပြီ ၂၉ ရက် မွန်းလွဲပိုင်းကလည်း အထကခွဲ မှန်တောကျေးရွာရဲ့ ကျောင်းအုပ်ဆရာကြီး ဦးကျော်မင်းနိုင်ကို စစ်ကောင်စီတပ်က အကြမ်းဖက်မှုနဲ့ စွပ်စွဲ ဖမ်းဆီးသွားပါ တယ်။