သီရိလင်္ကာနိုင်ငံ အစိုးရအနေနဲ့ စီးပွားရေးအကျပ်အတည်း ဖြေရှင်းပေးဖို့ အတိုက်အခံပါတီတွေက ဦးဆောင်ပြီး မေ ၁ ရက်နေ့က ကိုလံဘိုမြို့တော်မှာ ဆန္ဒပြနေကြပါတယ်။ 

တိုင်းပြည်မှာ လက်ရှိ ကြုံနေရတဲ့ စီးပွားရေးအကျပ်အတည်းကို အစိုးရက မဖြေရှင်း ပေးနိုင်တာကြောင့် နေ့စဉ်ရက်ဆက် ဆန္ဒပြနေကြတာပါ။ 

သိရီလင်္ကာမှာ ကိုဗစ်-၁၉ ကပ်ဘေးကြောင့် စီးပွားရေး ယိုင်နဲ့သွားတဲ့အပြင်၊ အခွန်ကနေ ရတဲ့ ဝင်ငွေ နည်းပါးသွားတာကြောင့် တိုင်းပြည်စီးပွားရေး တစုံလုံးအပေါ်မှာ ထိခိုက်နေပါတယ်။

ဆန္ဒပြသမားတွေဟာ သီရီင်္လကာအလံကို ကိုင်ထားကြသလို၊ ဂိုတာ အိမ်ပြန်တော့လို့ ရေးထားတဲ့ အင်္ကျီတွေကို ဝတ်ဆင်ထားကြပါတယ်။ 

ဂိုတာဆိုတာ သီရီလင်္ကာမှာ သမ္မတ ရာဂျာပက်ဆာရဲ့ နာမည်ပါ။ 

လူဦးရေ ၂၂ သန်း ရှိတဲ့ ကျွန်းနိုင်ငံလေးမှာ နိုင်ငံခြားငွေနည်းပါးတဲ့အတွက် ရိက္ခာနဲ့ ဆေးဝါးတွေ နိုင်ငံခြားကနေ မသွင်းနိုင်တော့ဘဲ ပြတ်လပ်နေလို ပြည်သူတွေ မကျေမနပ်ဆန္ဒနေကြတာ လနဲ့ ချီ ရှိနေပါပြီ။

ဆန္ဒပြသမားတွေက အစိုးရအဖွဲ့ကို နုတ်ထွက်ပေးဖို့ တောင်းဆိုနေပေမယ့် သမ္မတက ငြင်းဆန်ပြီး သူပဲ ဦးဆောင်မယ့် အမျိုးသားညီညွတ်ရေးအစိုးရ ဖွဲ့စည်းဖို့ ပြောနေတာကို အတိုက်အခံက လက်မခံတာကြောင့် နိုင်ငံရေးအကျပ်အတည်းနဲ့ ကြုံနေရတာ ဖြစ်ပါတယ်။