သမိုင်းသင်ခန်းစာယူရန် ဂျပန်ကို တရုတ်တိုက်တွန်း
သမိုင်းကြောင်းကနေ လေးနက်တဲ့ သင်ခန်းစာတွေ ထုတ်ယူဖို့နဲ့ ငြိမ်းချမ်းတဲ့ ဖွံ့ဖြိုးတိုးတက်ရေး လမ်းကြောင်းကို လိုက်နာဖို့ ဂျပန်နိုင်ငံကို တရုတ်က ဇူလိုင် ၁၁ ရက်မှာ တိုက်တွန်းလိုက်ပါတယ်။
ဇူလိုင် ၁၁ ရက် မနက်က ထုတ်ပြန်တဲ့ ရွေးကောက်ပွဲရလဒ်အရ ဂျပန်နိုင်ငံရဲ့ အာဏာရပါတီဖြစ်တဲ့ လစ်ဘရယ်ဒီမိုကရက်တစ်ပါတီ (LDP)နဲ့ ကိုမီတိုတို့ဟာ အောက်လွှတ်တော် ရွေးကောက်ပွဲမှာ အပြတ်အသတ်အနိုင်ရရှိခဲ့ပြီး LDP တစ်ခုတည်းက ဝင်ရောက်ယှဉ်ပြိုင်ခဲ့တဲ့ အမတ်နေရာ အများစုကို ရယူနိုင်ခဲ့ပါတယ်။
ရွေးကောက်ပွဲရလဒ်တွေအရ ဖွဲ့စည်းပုံအခြေခံဥပဒေ ပြင်ဆင်ရေးကို လိုလားတဲ့ အင်အားစုတွေက ဂျပန်နိုင်ငံ အထက်လွှတ်တော်မှာ အမတ်နေရာ သုံးပုံနှစ်ပုံကျော် နေရာယူထားပါတယ်။
ငြိမ်းချမ်းစွာ ဖွံ့ဖြိုးတိုးတက်ရေး လမ်းကြောင်းကို လိုက်နာဖို့ ဂျပန်နိုင်ငံကို တရုတ်နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ ဝမ်ဝင်ဘင်က ဘေဂျင်းမြို့ သတင်းစာရှင်းလင်းပွဲမှာ ပြောခဲ့ပါတယ်။
“နှစ်နိုင်ငံအကြား နိုင်ငံရေးဆိုင်ရာ စာတမ်းလေးခုမှာပါတဲ့ အခြေခံမူတွေကို လိုက်နာခြင်းအားဖြင့် အိမ်နီးချင်းကောင်းအနေနဲ့ ချစ်ကြည်ရင်းနှီးပြီး ပူးပေါင်းဆောင်ရွက်တဲ့ နှစ်နိုင်ငံ ဆက်ဆံရေးကို ဆက်တိုးတက်အောင် ဂျပန်နိုင်ငံနဲ့ လက်တွဲဆောင်ရွက်ဖို့ တရုတ်နိုင်ငံက အဆင်သင့် ရှိနေပါတယ်။ အထူးသဖြင့် ဂျပန်ရဲ့ အာရှအိမ်နီးချင်းနိုင်ငံတွေကို နိုင်ငံတကာအသိုင်းအဝိုင်းက နီးနီးကပ်ကပ် ထားပြီး သမိုင်းကြောင်းကနေ လေးနက်တဲ့ သင်ခန်းစာတွေယူဖို့၊ ငြိမ်းချမ်းတဲ့ ဖွံ့ဖြိုးတိုးတက်ရေးလမ်းကြောင်းကို လိုက်နာဖို့နဲ့ အာရှအိမ်နီးချင်းတွေနဲ့ နိုင်ငံတကာ အသိုင်းအဝိုင်းတွေဆီက ယုံကြည်မှုကို အခိုင်အမာရယူဖို့ ဂျပန်ကို တိုက်တွန်းပါတယ်”လို့ ဝမ်က ပြောပါတယ်။
